ТАНИЛЦ: Ч.Хүрэлбаатарын хамаарал бүхий этгээдүүдийн ТОМИЛГОО, ТУСГАЙ ЗӨВШӨӨРЛҮҮД

2022-03-13, 5823

Улс төрд ужгирсан "эрхэм"-үүдийн нэг болох Сангийн сайд асан, УИХ-ын гишүүн Ч.Хүрэлбаатарын эхнэр, хүүхэд, төрсөн ах дүүс, тэдний хүүхдүүд, хүргэн, бэрүүд нь нийлээд 48 компани эзэмшиж байгааг бид өмнөх танилцуулсан билээ. Тэгвэл энэ удаад УИХ-ын гишүүн Ч.Хүрэлбаатарыг төрийн өндөр албан тушаалд байх хугацаанд түүний ах дүү, амраг саднынхнаас хэдэн хүн төрийн албанд томилогдсоныг, цаашлаад түүний хамаарал бүхий этгээдүүд уул уурхайн олборлолтын болон хайгуулын хэчнээн тусгай зөвшөөрөл эзэмшиж байгааг баримтаар дэлгэж байна.

УИХ-ЫН ГИШҮҮН Ч.ХҮРЭЛБААТАРЫН ХАМААРАЛ БҮХИЙ "ТОМИЛГОО"

УИХ-ын гишүүн Ч.Хүрэлбаатарыг төрд ажиллах болсон цагаас түүний хамаатан садан, ах дүүс нь төрийн алба руу "цуварцгаажээ". Тэр тусмаа Ч.Хүрэлбаатар төрсөн ахынхаа хүүхдүүдийг, хүргэчүүдийг бага балчир гэхгүй төрийн албан тушаалд "томилчихдог" гэмтэй гэмээр аж. Ингээд Ч.Хүрэлбаатарын хамаатан садан, хүргэн бэр, худ ургийнхнаас хэчнээн хүн төрийн байгууллагад ажиллаж байгааг танилцуулъя.

1. Төрсөн Ч.Ганболд нь Монгол Улсаас Тува Улсын Кызыл хотод суух Ерөнхий консулаар томилогдсон. Өмнө нь Хөдөлмөр халамжийн үйлчилгээний газрын Хяналт мониторингийн газрын даргаар ажиллаж байсан.

2. Ч.Ганболдынх нь охин Г.Солонго нь Ч.Хүрэлбаатарыг Сангийн сайд болсны дараа Монгол Улсын Хөгжлийн банкны Зээлийн мэдээ, тайлан хариуцсан мэргэжилтнээр ажиллаж эхэлсэн. Тэгэхээр Ч.Хүрэлбаатар Сангийн сайд байхдаа Хөгжлийн банкны зээлдэгчдийн тайлан мэдээллээр "дутдаггүй" байсан байж таарах нь. Өөрөөр хэлбэл, ямар компани зээл авсан, төлж байгаа эсэх, хэдэн төгрөгийн үлдэгдэлтэй байна гэх мэт Хөгжлийн банкны зээлийн бүх төрлийн мэдээ, тайланг төрсөн ахынх нь хүүхэд хариуцаж ирсэн байх нь.

Тайлбар: Хөгжлийн банкны мэргэжилтнүүд-2017: Нүүрний эгнээ, зүүн гар талаас гурав дахь нь Г.Солонго

3. Г.Солонгын нөхөр буюу Ч.Ганболдын хүргэн Э.Даваадалай нь Увс аймгийн Орон нутгийн өмчийн газрын Худалдан авах ажиллагаа хариуцсан ахлах мэргэжилтэн болсон. Аймгийн Орон нутгийн өмчийн газрын Худалдан авах ажиллагаа хариуцсан ахлах мэргэжилтэн гэдэг бол тухайн аймгийн төрийн байгууллагуудын бүх худалдан авалтыг хариуцдаг чухал албан тушаал билээ.

Тайлбар: УИХ-ын гишүүн Ч.Хүрэлбаатарын том ах Тува улсад сууж буй Ерөнхий консул Ч.Ганболд, хар хослолтой нь түүний хүргэн, Увс аймгийн Худалдах авах ажиллагааны мэргэжилтэн Э.Даваадалай

4. Ч.Ганболдын хүү Г.Дэлгэр нь Сангийн яамны харьяа Хөгжлийн хөтөч-Дэд бүтэц төслийн ТИА-ны дарга, менежер болсон.

5. Ч.Ганболдын том охин Г.Уянга нь Татварын Ерөнхий газарт бол түүний нөхөр Н.Гомбосүрэн нь “Эрдэнэс Монгол” ХХК-д ажиллаж байсан.

6. УИХ-ын гишүүн Ч.Хүрэлбаатарын бага ах Ч.Гантулгынх нь охин Г.Энхболор нь Монгол Улсыг төлөөлөх Хонг Конг дахь дэд консул болсон.

7. Ч.Гантулгын охин Г.Энхцацрал нь Сангийн яамны харьяа Төсөв санхүүгийн тогтвортой байдлыг бэхжүүлэх төслийн мэргэжилтнээр ажиллаж эхэлсэн.

Тайлбар: УИХ-ын гишүүн Ч.Хүрэлбаатарын төрсөн ах Ч.Гантулгын хүүхдүүд, зүүн гар талаас Хонг Конг дахь Дэд консул Г.Энхболор

8. Ч.Гантулгын эхнэр Б.Бямбаасүрэнгийн төрсөн ах Б.Лхагвасүрэн нь Байгаль орчин хэмжилзүйн төв лаборатирийн дарга болсон.

9. Б.Лхагвасүрэнгийн эхнэр Ж.Байгалмаа нь Сангийн яамны харьяа “Үнэт цаасны төвлөрсөн хадгаламжийн төв”-ийн гүйцэтгэх захирал болсон. “Үнэт цаасны төвлөрсөн хадгаламжийн төв”-ийн ТУЗ болон гүйцэтгэх захирлыг Сангийн сайд шууд томилдог зохицуулалттай. Өөрөөр хэлбэл, Ж.Байгалмаа нь Ч.Хүрэлбаатарыг Сангийн сайдаар ажиллаж байхад гүйцэтгэх захирлаар нь томилогдсон. Энэ байгууллага нь төрөөс иргэдэд олгох хувьцаа, ногдол ашиг тараах ажлыг хариуцдаг бөгөөд 1072 хувьцааны ногдол ашиг тараах үеэр Ж.Байгалмаа олон нийтийн эчнээ танил болсон. Ноцтой нь, төсвийн хөрөнгөөр 13 ширхэг компьютер авахдаа албан тушаалаа ашигласан гэгдсэн.

Тайлбар: "Үнэт цаасны төвлөрсөн хадгаламжийн төв"-ийн гүйцэтгэх захирал асан Ж.Байгалмаа

10. Б.Бямбаасүрэнгийн төрсөн эгч Б.Даваасүрэнгийн хүү Б.Бат-Ирээдүй нь УНТЭ-ийн Эрхтэн шилжүүлэн суулгах төвийн дарга болсон.

11. Б.Бямбаасүрэнгийн төрсөн дүү Б.Пүрэвсүрэнгийн эхнэр Л.Мөнх-Эрдэнэ нь АШУҮИС-ийн НЭМС-ийн Тэнхимийн эрхлэгчээр ажилладаг.

12. Ч.Хүрэлбаатарын эхнэр Р.Саранцэцэгийн төрсөн эгч Р.Саранчимэгийн нөхрийг Ц.Онон гэдэг бөгөөд Ононгийн Ариунболд гэх хүүтэй. Тэгвэл “Монгол шуудан” ТӨХК-ийн Хөрөнгийн удирдлагын хэлтсийн даргаар Ононгийн Ариунболд гэх залуу томилогджээ.

13. Эцэст нь, УИХ-ын гишүүн Ч.Хүрэлбаатарын эхнэр Р.Саранцэцэг нь Монголбанкны Мөнгөн тэмдэгтийн газрын захирлаар томилогдсоныг цөм мэдэх биз ээ.

Тайлбар: УИХ-ын гишүүн Ч.Хүрэлбаатарын эхнэр, Монголбанкны Мөнгөн тэмдэгтийн газрын захирал Р.Саранцэцэг

УИХ-ЫН ГИШҮҮН Ч.ХҮРЭЛБААТАРЫН ХАМААРАЛ БҮХИЙ ЭТГЭЭДҮҮДИЙГ ТУСГАЙ ЗӨВШӨӨРЛҮҮД

УИХ-ын гишүүн Ч.Хүрэлбаатар "Манай гэр бүлд уул уурхайн нэг ч тусгай зөвшөөрөл байхгүй, авч ч байгаагүй" гэж мэдэгдэл хийж байсан удаатай. Тэгвэл түүний хамаарал бүхий этгээдүүдэд бол уул уурхайн ашиглалтын болон хайгуулын тусгай зөвшөөрлүүд хэд хэдээрээ байдаг ажээ.

1. УИХ-ын гишүүн Ч.Хүрэлбаатарын эхнэр Р.Саранцэцэгийн төрсөн эгч Р.Сараннямын нөхрийг Л.Мөнхжаргал гэдэг. Л.Мөнхжаргал нь Ч.Хүрэлбаатарын зөвлөхөөр ажилладаг гэх мэдээлэл ч бий. Тэгвэл Л.Мөнхжаргал нь “Родео аруга” ХХК, “Хүнхэрийн хөндий” ХХК, “Эр Юу Эн Эй майнинг” ХХК-иудыг Ц.Цэвэгмэд гэгчтэй хамтран эзэмшдэг.

Тэгвэл “Родео аруга” ХХК, “Хүнхэрийн хөндий” ХХК, “Эр Юу Эн Эй майнинг” ХХК-иуд нь уул уурхайн хайгуул, олборлолтын үйл ажиллагаа явуулдаг бөгөөд Ашигт малтмал, газрын тосны газарт тусгай зөвшөөрлийн төлбөр төлдөг баримтууд байна.

Онцолбол, “Родео аруга” ХХК нь Хэнтий аймгийн Галшар суманд ХV-020207-Бичигт гэх тусгай зөвшөөрөл эзэмшдэг ажээ.

Түүнчлэн, Л.Мөнхжаргалтай хамт дээрх уул уурхайн компаниудыг эзэмшдэг Ц.Цэвэгмэд гэгч нь “Анир дэлхий” ХХК, “Цог зол орших” ХХК, “Эм Жи Эл гео хүдэр” ХХК-иудыг дангаараа эзэмшдэг ажээ. Тэгвэл “Анир дэлхий” ХХК нь Говь-Алтай аймгийн Есөнбулаг сумын Дөтийн давааны ар гол гэх газар алт олборлодог. Харин “Цог зол орших” ХХК нь Хэнтий аймгийн Батноров сумын нутагт “Тосон” гэх тусгай зөвшөөрөл эзэмшдэг ажээ.

2. Ч.Хүрэлбаатарын том ах Ч.Ганболдын эхнэр З.Эрдэнэцэцэгийн төрсөн дүүг З.Оюунсүрэн гэдэг. З.Оюунсүрэн нь “Хамуг Монгол зоог” ХХК, “Монголжодоо интернэшнл” ХХК, “Гранд ган хөгжил” ХХК-иудыг эзэмшдэг.

Тэгвэл З.Оюунсүрэнгийн “Монгол жодоо интернэшнл” ХХК нь “МV-016822-Бог уул” гэх 31.5 га талбай бүхий ашиглалтын тусгай зөвшөөрөл эзэмшдэг ажээ.

Сонирхуулахад, З.Оюунсүрэнгийн нөхрийг Х.Бээжин гэдэг. Х.Бээжин нь “Дэлхийн Монгол ногоон нэгдэл” ТББ, “Гринпис Монгол” ТББ-ыг толгойлдог бөгөөд “Босоо хөх Монгол” ТББ-тай хамтран уул уурхайг эсэргүүцэж, жагсдаг гэдгээрээ зартай нэгэн. Уул уурхайг эсэргүүцдэг гэх тодотголоороо 2020 оны УИХ-ын сонгуульд 17-р тойргоос “Та бидний эвсэл”-ээс нэр дэвшсэн. Тухайн үедээ Х.Бээжин 1.9 тэрбумын автомашинтай, 580 сая төгрөгийн малтай, 245 сая төгрөгийн үнэт эдлэлтэй, 520 сая төгрөгийн хадгаламжтай хэмээн хөрөнгөө мэдүүлж, жагсагч гэхэд чамгүй хөрөнгөлөг нэгэн гэгдэж байлаа.

Тайлбар: "Дэлхийн Монгол ногоон нэгдэл" ТББ-ийн тэргүүн Х.Бээжин

Гэвч тэрбээр хамгийн сүүлд Сэлэнгэ аймагт үйл ажиллагаа явуулдаг уул уурхайн компаниудыг дарамталж 80 гаруй сая төгрөг авсан хэрэгт буруутгагдаж, 2021 оны гуравдугаар сард шүүхээс 2.2 жилийн хорих ял сонссон. Улмаар 100 гаруй хоног хоригдоод өршөөлийн хуулиар суллагдсан байдаг.

Тайлбар: Баруун гар талаас "Дэлхийн монгол ногоон нэгдэл"ТББ-ын тэргүүн Х.Бээжин болон "Гал үндэстэн" хөдөлгөөн, "Босоо хөх Монгол" ТББ-ын тэргүүнүүд

Нэмж сонирхуулахад, Х.Бээжингийн төрсөн ах Х.Гантөмөр нь “Гет женероус” ХХК-тай бөгөөд Х.Бээжингийн эхнэр З.Оюунсүрэн нь хамтран эзэмшиж байсан. Тэгвэл тус компани 2020 онд “УБТЗ” ХНН-ийн 2.7 тэрбум төгрөгийн сэлбэг хэрэгслийн тендерт шалгарч байжээ.

3. УИХ-ын гишүүн Ч.Хүрэлбаатарын төрсөн ах нар болох Ч.Гансүх, Ч.Гантулга нар нь Увс аймгийн ИТХ-ын төлөөлөгч Б.Алтангэрэлтэй хамт “Шанага транс” ХХК-ийг эзэмшдэг. Өмнө нь Ч.Гансүх, Ч.Гантулга, Б.Алтангэрэл нар алдарт “Хотгор шанага”-ын уурхайг хамтран эзэмшиж байгаад 51 хувийг нь БНСУ-ын компанид 10 сая ам.доллараар зарсан гэгддэг. Энэ тухай Ч.Хүрэлбаатар тайлбарлахдаа “Манай ах нар Б.Алтангэрэлд мөнгө зээлдүүлснийхээ барьцаанд “Хотгор шанага” ХХК-д хувьцаа эзэмшиж байгаад зээлсэн мөнгөө авмагцаа хувь эзэмшлээс нэрээ хасуулсан. Б.Алтангэрэлтэй холбоогүй” гэж тайлбарласан нь бий. Гэвч одоо ч Ч.Гансүх, Ч.Гантулга, Б.Алтангэрэл нар “Шанага транс” ХХК-ийг хамтран эзэмшиж байна.

Б.Алтангэрэл нь уул уурхайн олборлолт, хайгуулын хэд хэдэн компанитай. Тухайлбал, Ч.Хүрэлбаатарын ах нартай хамтран эзэмшиж байсан гэх “Хотгор шанага” ХХК нь “MV-017707-Шанд”, “MV-003508-Шанага”, “XV-014979-Дэрст” гэх гурван тусгай зөвшөөрөл эзэмшиж байна. Цаашлаад, “Тогос чүлтэм” ХХК нь Төв аймгийн Эрдэнэ сумын нутагт “MV-016844-Цогт” тусгай зөвшөөрөл эзэмшиж байсан. Гэхдээ энэ талбай нь Өвөржанчивлан рашаантай хэт ойр хэмээн хэл аманд өртөж, тусгай зөвшөөрлийг нь цуцлах шийдвэр гарч байсан. Харин “Хэмчигголд” ХХК нь Баян-Өлгий аймгийн Алтанцөгц суманд “XV-013101-Хо толгой” тусгай зөвшөөрөл эзэмшиж байсан юм.

ТАНИЛЦ: Ч.Хүрэлбаатарын хамаарал бүхий этгээдүүдийн ТОМИЛГОО, ТУСГАЙ ЗӨВШӨӨРЛҮҮД

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 18

Сэтгэгдэл үлдээсэн: 2023-02-08 08:16:47

ЯАЯ ДАА ЭД НАРИЙГ: ДАВАРЦАН ЮМ АА,ЭНЭ ЗАСАГ ТӨР ЕРӨНХИЙЛӨГЧ,ЕРӨНХИЙ БҮГД НЭГ ТОГООНЫ ХУЛГАЙЧИД
Сэтгэгдэл үлдээсэн: 2022-10-25 15:46:16

Zochin: Боловсролтой хүчтэй л гэр бүл байна. Юу нь болохгүй байгааг олж харахгүй юм. Царай алдахгүй л хамаатнуудтай юм
Сэтгэгдэл үлдээсэн: 2022-10-19 22:02:47

Ардаа.: Боломж нь таарвал Монголыг бүхлээр нь ч залгиж чадах ховдог бирд дээ.
Сэтгэгдэл үлдээсэн: 2022-10-19 19:12:46

чойжилсүрэн: ах дүү хамаатан садан нь ажил хийж болохгүй, бизнес эрхэлж болохгүй юм бна лдаа. төрд гарсан хүний хамаатан болсноороо хохирч болохгүй л дээ.
Сэтгэгдэл үлдээсэн: 2022-10-19 18:52:13

Тэнэгмаа : Ах дүүс нь ажилгүй гэртээ байх ёстой байх нь
Сэтгэгдэл үлдээсэн: 2022-10-19 12:42:49

уншигч : Ч.Хүрэлбаатарыг Шуналтай шулам гээд байдаг юм байна лээ үнэн аж
Сэтгэгдэл үлдээсэн: 2022-10-19 10:11:29

Зочин: Үнэн бол эвгүй л юм бна
Сэтгэгдэл үлдээсэн: 2022-10-19 10:06:49

Зочин: Ч.Хүрэлбаатар сайд байлаа гээд төрөл төрөгсөд ах дүүс нь ажилгүй, эсвэл хувийн компанид ажиллах ёстой юмуу. Юу ч гэсэн үгийн
Сэтгэгдэл үлдээсэн: 2022-10-19 10:06:48

Зочин: Ч.Хүрэлбаатар сайд байлаа гээд төрөл төрөгсөд ах дүүс нь ажилгүй, эсвэл хувийн компанид ажиллах ёстой юмуу. Юу ч гэсэн үгийн
Сэтгэгдэл үлдээсэн: 2022-03-21 12:10:49

хумхаа: ажлаасаа хуугаараа гарах ёстой юм байх даа? хүний амтьдралын салаа мөчрүүдийг хөөвөл бүүр энэнэээс аймар зураглал гарна
Сэтгэгдэл үлдээсэн: 2022-03-16 18:20:22

зочин: Хүрэлбаатар сайд гишүүн боллоо гээд энэ хүмүүс ажлаасаа гарах ёстой юу ч биш.Энэ хүмүүс нь мэдлэг боловсролтой ажилдаа эзэн болсон мундаг мэргэжилтнүүд .
Сэтгэгдэл үлдээсэн: 2022-03-15 15:26:12

Рррр: Новшийн новш юм да чи
Сэтгэгдэл үлдээсэн: 2022-03-14 13:47:08

Zochin : Buhel buten 1n ulsiin yrunhiilugchiig ulsiih n shorond hiichihsen hulgaich shde MAN.d hulgai hiideggui hun bhgui
Сэтгэгдэл үлдээсэн: 2022-03-14 07:32:34

Төрийн банк: Төрийн банканд дэд захирал Д.Сугар гээд Хүрлээгийн тавьсан ойгүй орк Увсын нэг нөхөр байгаа шүү дээ. Согтохоороо дандаа би Хүрэлбаатарын хүн гээд хуцаад явдаг.
Сэтгэгдэл үлдээсэн: 2022-03-14 07:30:18

Зочин: ккк үнэхээр боловсрол, мэдлэгтэй томилогдсон улсыг заавал хамаатуулчих юмаа
Сэтгэгдэл үлдээсэн: 2022-03-13 23:07:09

Jenco: УВСЫНХАН МАФИ БОЛЖЭЭ ААЯАА АЙХТАР ГАРУУД ЮМДАА
Сэтгэгдэл үлдээсэн: 2022-03-13 17:41:20

Зочин: Үгүй мөн аймаар юмаа. Яасан шунал нь барагддаггүй хүмүүс вэ
Сэтгэгдэл үлдээсэн: 2022-03-13 12:12:34

zochin: ger buleeree niilj ulsiig chochiroodog muusain buzriin luivarchdiig buschuuchan gesgeej ulsiig chochirolgui bolgoch estoi.

Шинэ мэдээ

Нийтлэлчид