“Рио Тинто”-гийн гүйцэтгэх захирал Якоб Стаушолм Монголд ямар асуудал хэлэлцэж байгаа вэ

“Рио Тинто”-гийн гүйцэтгэх захирал Якоб Стаушолм өөрийн албан ёсны “LinkedIn” хуудсандаа “Би “Рио Тинто”-гийн гүйцэтгэх захирал болсноосоо хойш анх удаа дэлхийн хамгийн том зэсийн далд уурхайн төсөл болох Оюутолгойн эх орон, өвлийн сайхан Монголд дахин ирлээ” хэмээн Монгол Улсад айлчилж байгаа тухай сэтгэгдлээ илэрхийлжээ.

“Рио Тинто”-гийн босс Якоб Стаушолм ийн Монгол Улсад айлчлах болсон нь “Оюутолгой”-н зэсийн далд уурхайн төсөл удааширч, саатаж байгаа асуудлаар Монгол Улсын Ерөнхий сайд Л.Оюун-Эрдэнэтэй уулзсан юм.

“Оюутолгой”-ын зэс, алтны уурхай үйл ажиллагаа 2010 оноос эхэлсэн бөгөөд уул уурхайн чиглэлийн дэлхийн хамгийн тогтвортой уурхайнуудын нэгт тооцогддог. Гэсэн ч сүүлийн үед “Оюутолгой”-н уурхайн бүтээн байгуулалтын ажилд саатал гарч, удаашралтай байгаа нь “Рио Тинто”-гийн босс Якоб Стаушолмыг Монгол руу хөдөлгөх шалтгаан болсон байх.

          Якоб Стаушолм “Оюутолгой”-н саатлын талаар “Геотехникийн хүндрэл, цар тахлын үр дүнгээс саатал гарсан. Харин энэ саатал Монгол Улсын Засгийн газар болон “Оюутолгой”-г хоёр гол хувьцаа эзэмшигчийн нэг “Туркойз Хилл” компанийн дунд зөрчил үүсгэсэн” гэж тайлбарласан байна.

-“Рио Тинто” олборлолтоо хойшлуулах нөхцлийг хэлэлцэж байна-

“Рио Тинто”-гийн гүйцэтгэх захирал Якоб Стаушолмын тайлбарласнаар Монгол руу хийх айлчлал нь зэсийн далд уурхайн төсөлд тулгамдсан асуудлыг шийдэж, дахин хэлэлцэх юм.

          Энэ талаар Якоб Стаушолм “Эхний чухал алхам бол итгэлцэл дээрээ суурилсан харилцаагаа сэргээх. Бид харилцаагаа алхам алхмаар дахин сэргээхийг эрмэлзэж байна” хэмээжээ.

          Өнгөрсөн аравдугаар сард “Рио Тинто” группээс “Оюутолгой”-н анхны олборлолтыг 2023 оны нэгдүгээр сар хүртэл хойшлуулж, “Туркойз Хилл” компанид 3.6 тэрбум ам.долларын нэмэлт санхүүжилт шаардлагатайг мэдэгдэж байв. Үүний үр дүнд Монгол Улсын Ерөнхий сайд Л.Оюун-Эрдэнэ “Оюутолгой”-н далд уурхайн төслийг улсдаа ашигтай байлгахын тулд гүний уурхайн зардал хэтэрсэн асуудлыг “Рио Тинто” хариуцах нь зүйтэй гэж үзэж байгаа бөгөөд компаниас нэмэлт зардал гаргуулж өрөө чөлөөлөхөөр ажиллаж байгаа юм.

Эх сурвалж: Mining Global