“Рио Тинто” компаниас “Оюутолгой” төслийн гүний уурхайн бүтээн байгуулалтын ажил удаашрах эрсдэлтэй байгаа талаар мэдэгдэл гаргажээ.

“Оюу Толгой” ХХК-ийн ТУЗ “Оюутолгой” төслийн далд уурхайн бүтээн байгуулалтад шаардлагатай нэмэлт төсвийг энэ сард багтааж батлахгүй бол “Оюутолгой” төслийн гүний уурхайн ажил удаашрах эрсдэлтэй байна. “Turquoise Hill Resources” компанийн хамгийн сүүлчийн мэдээллээр гүний уурхайн анхны тогтвортой үйлдвэрлэл эхлэх хугацаа 2023 оны эхний хагас болоод байгаа аж.

          2016 онд батлагдсан ТЭЗҮ-д гүний уурхайн зардал 5.3 тэрбум ам.доллар, ашиглалтад орох хугацаа 2021 оны нэгдүгээр сар гэж тусгасан. Гэсэн ч гүний уурхайн зардал 1.45 тэрбум ам.доллароор өсөж, хугацаа 2022 оны аравдугаар сар болж хойшлоод байна. Аравдугаар сарын 15-нд хугацаа нь дахин гурван сараар хойшилж байгааг “Рио Тинто” компаниас мэдэгдсэн юм.

Эх сурвалж: Bloomberg