Дэлхийд эдийн засгаараа тэргүүлдэг орнуудын нэгдэл буюу “Их 20”-ийн орны төлөөлөгчид энэ долоо хоног Итали Улсын нийслэл Ром хотод олон улсын нүүрсний төслүүдийн санхүүжилтийг зогсоох хэлэлцээр хийж магадгүй байгаа юм.

“Их 20” өнгөрсөн есдүгээр сард дэлхийн хэмжээнд төлөвлөсөн, улсаас санхүүжүүлдэг олон улсын нүүрсний  50 төслийн 44-ийг нь дэмжихээр болсон. Тэгвэл уур амьсгалын өөрчлөлт, дэлхийн дулааралтай холбоотой асуудлаар “Их 20” гаднын нүүрс үйлдвэрлэлийн санхүүжилтээ зогсоож магадгүй гэнэ.

          Уур амьсгалын өөрчлөлттэй тэмцэх үүднээс улс орнууд цаашид дэлхийн дулаарлыг цельсийн 1.5 хэмд барих зорилт тавиад байгаа. Үүнд нүүрсний хэрэглээг бууруулах нь чухал юм.