Цахилгаан автомашины эрэлт ихсэж байгаатай холбоотойгоор автомашины зай үйлдвэрлэлд ашигладаг литийн жишиг үнэ хоёр дахин өсөж, БНХАУ-ын зах зээлд шинэ дээд түвшинд хүрчээ.

Литийн үнэ 2018 онд хэсэг хугацаанд өссөн ч дахин буурч, доод хэмжээндээ хүрсэн. Харин олон улсын эдийн засагчид “Цахилгаан автомашины эрэлт ихсэж байгаа өнөө үед литийн үнийн өсөлт цаашид ч үргэлжилсээр байх боломжтой”-г анхааруулсан байна.

          Цахилгаан автомашины эрэлт өндөр байхад литийн нийлүүлэлт бага зэрэг тасалдахад үнийн өсөлт илүү эрчимжих боломжтой гэнэ. Хэрэв литийн үнэ дөрөв дахин өсөхөд цахилгаан автомашины зайн үнэ ч 20 хувиар өсөх боломжтой юм байна.