Олон улсын зах зээл дээрх металл нийлүүлэгчид нийлүүлтээ хумьснаас үүдэн хямрал үүсэж, ялангуяа хөнгөн цагааны үнэ өсөж байгаа. Хөнгөн цагаан нь дэлхий дахинд гар утас үйлдвэрлэхээс эхлүүлээд шар айрагны сав хийхэд ашиглагдах эрэлттэй металл. Гэтэл үйлдвэрлэгч, боловсруулагчид нийлүүлэлтээ хумьсан нь ийн хөнгөн цагааны зах зээл дэх үнэ өсөх шалтгаан болсон юм.

Тэгвэл өчигдөр Лондонгийн металлын бирж дээр хөнгөн цагааны үнэ 2.8 хувь өсөж, тонн нь 3049 ам.долларт хүрчээ. Хөнгөн цагааны үнэ тонн тутамдаа 3049 ам.доллар болж өссөн нь 2008 оны долдугаар сараас хойших олон улсын зах зээл дэх хамгийн өндөр үнэ гэж “Mining” онцолсон байна.

Лондонгийн металлын бирж дээр хөнгөн цагааны үнэ өссөнтэй холбоотойгоор хөнгөн цагаан, хөнгөн цагааны исэл үйлдвэрлэгч дэлхийн томоохон компаниудын нэг болох ОХУ-ын “Русал” компанийн “En + Group”-ийн хувьцаа 5.2 хувиар өсөж, 873 рубль болжээ. Харин өнгөрсөн есдүгээр сараас цайр, хар тугалга зэрэг түүхий эд үйлдвэрлэгч, боловсруулагчид алдагдалтай ажилласан аж.

Эх сурвалж: LME, Mining, TASS