• Өнөөдөр 2026-10-26

МАХН-ЫНХАН ӨӨРСДИЙГӨӨ ХОЁРХОН САЙДЫН СУУДЛААР МАН-Д “ЗАРЧИХСАН” ГЭВ ҮҮ

2021-04-29,   2213

- Э.ЭРДЭНЭЖАМЪЯН, Б.ТУЛГА НАР “ЕРӨНХИЙЛӨГЧИЙН СОНГУУЛИЙН ДАРАА САЙД БОЛНО” ХЭМЭЭН ХӨЛ ХӨӨР БОЛЖ ЯВАА ГЭВ ҮҮ-

              Ерөнхийлөгчийн сонгууль ойртох тусам улс төрд үзүүштэй, сонирхолтой үйл явдал өрнөж байна. Нэгэн цагт анд нөхөд, салшгүй найзууд байсан хүмүүс дайсагналцаж байхад, мөнхийн дайсан мэтээр биенээ чичилж байсан нь гар барилцаж, биедээ саймширч байгаа харагдана. Үүний нэг тод жишээ нь МАН, МАХН-ын нэгдэл байлаа. 
 
У.Хүрэлсүх Н.Энхбаяр хоёр “Эх орончдын баярын өдөр”-өөр инээд алдан Сүхбаатар жанжны хөшөөнд цэцэг өргөөд гарнаасаа атгалцах нь холгүй Төрийн ордон руу орсон нь урьдын дүр эсгэлт биш байсан нь сүүлийн өдрүүдэд нотлогдлоо. Үүнээс өмнө “МАН, МАХН нэгдэх гэж байгаа гэнэ” гэх цуу яриа дэгдэж байсан ч иргэд төдийлөн ойшоогоогүй. Эл үйл явдлын дараагаас МАН-ын генсек Д.Амарбаясгалан, МАХН-ын дарга Н.Энхбаяр нар намын ахмад гишүүдтэй уулзаж, хоёр намыг нэгтгэх ажлын хэсэг байгуулж буйгаа мэдэгдсэнээр МАН, МАХН хоёр Ерөнхийлөгчийн сонгуульд хамтарч орох нь тодорхой болсон юм. Харин өнгөрсөн мягмар гарагт хоёр намын ажлын хэсэг зөвшилцөлд хүрснээр МАН, МАХН нэгдэж буйгаа албан ёсоор зарласан. 
 
Харин энэ удаагийн нэгдэл хэн хэнд нь ашигтай байх тохироотой гэнэ. МАН-ын тухайд энэ удаагийн сонгуульд дайснуудаа сул тал, ашиг сонирхлоор нь багалзуурдан нэгтгэж, өрсөлдөгчгүй сонгууль явуулах чиг шугамыг баримталж байгаа юм. Тиймдээ ч жижиг намуудтай аль болох эв найрамдалтай байж, тэдэнтэй эрх мэдэл, албан тушаалын тохиролцоо хийж, тэднийг өөрийн намд дагаар оруулах бодлогыг баримталж буй. Төрийн бүх эрх мэдэл тэдний талд байгаа цагт ганц хоёр сайдын суудал эрх баригчдад алдаад байх наймаа биш хэмээн аархаж суугаа гэх.
 Харин МАХН-ынхан төрийн эрх мэдэлд нөлөөлж чадахуйц хүчтэй улс төрийн хүчин биш учраас эрх баригчидтай гар барилцан албан тушаалын тохироо хийж, улс төрийн тавцанд тэсэж үлдэх ядмагхан арга сүвэгчилжээ.
Ерөнхийлөгчийн сонгуулийн дараа Засгийн газар солигдож, халаа сэлгээ хийнэ гэх цуу яриа ч олны дунд бий. Олны үг ортой гэдэгчлэн одоогийн Засгийн газар өмнөх жишгээрээ богино настай байх нь тодорхой болж байх шиг байна. Тодруулбал, МАХН-ынхан багаа сайн ажиллуулж, гишүүд дэмжигчдийнхээ саналыг МАН-д өгүүлж, У.Хүрэлсүхийг Ерөнхийлөгч болгочихвол Н.Энхбаярын намынханд нэлээд том бэлэг өгөхөөр тохирсон гэнэ. МАН ялбал МАХН Ерөнхийлөгчийн сонгуулийн дараа шинээр бүрэлдэх Засгийн газарт хоёр сайдын суудал авахаар тохирсон сурагтай. Энэ тохироо МАХН-ынханд ихэд таалагдаж, тус намын гишүүн, Н.Энхбаярын ойрын хүмүүс болох  Э.Эрдэнэжамъян, Б.Тулга нар “Би удахгүй сайд болох гэж байгаа” хэмээн хөл хөөр болж яваа гэнэ. 

Үе үеийн Ардын намынхан Засгийн эрхийг барихдаа Боловсрол, шинжлэх ухааны яам, Эрүүл мэндийн яамыг гаргуунд нь гаргачихдаг сул талтай. Энэ удаад ч энэ хоёр яамаар тохироо хийж, сайд нараар нь МАХН-ынхан хүмүүсийг томилно гэж ярилцсан гэнэ. Ингэхдээ Боловсрол, шинжлэх ухааны сайдаар Н.Энхбаярын хүү Э.Батшугарыг томилох талаар ярьж байгаа бол Эрүүл мэндийн сайдаар Б.Тулга, Э.Эрдэнэжамъян хоёрын нэгийг сойх нь гэх бор шувуу нисэх болжээ. 

МАН Засгийн эрхийг барих хугацаандаа Боловсролын яамыг М.Энхболдын бүлэглэлд өгдөг бол Эрүүл мэндийн яамыг МАХН-д хуваарилдаг жишиг бий. Угтаа бол сүүлийн жилүүдэд Эрүүл мэндийн сайдаар Н.Удвал, Г.Шийдэгдамба зэрэг Н.Энхбаярын гэгдэх нэлээд хэдэн хүн энэ салбарт сайдын үүрэг гүйцэтгэжээ. Харин Боловсролын салбарт Ж.Батсуурь, Г.Чулуунбаатар, Ц.Цогзолмаа зэрэг М.Энхболдын талынхан сайдын алба хашиж байв. Түүнчлэн одоогийн Боловсрол шинжлэх ухааны сайд Л.Энх-Амгалан ч М.Энхболдын гарын хүн. Тэрбээр цагтаа У.Хүрэлсүхийг үздэггүй байсан ч Л.Оюун-Эрдэнийн Засгийн газарт сайд болон томилогдсон. Түүгээр ч зогсохгүй энэ Засгийн газрын хамгийн ам сайтай, олны сэтгэлд нийцсэн сайдаар тодроод буй.

         Энэ мэтээр МАН бусдыгаа өөр рүүгээ зугуухан “юүлсээр” 100 жилийн ойдоо зуун мянган амлалт өгөөд ч хамаагүй, Засагт байж болох бүх албан тушаалаар наймаалцаад ч болтугай ялахын хүслэнд “тарчилж” байна. Гэхдээ сар гаруйхны дараа Ерөнхийлөгчийн сонгууль дуусч, улс төрийн энэ бүх андлал, янаглал, нэгдлээ хэмээх жүжиг өндөрлөнө. 

 

МАХН-ЫНХАН ӨӨРСДИЙГӨӨ ХОЁРХОН САЙДЫН СУУДЛААР МАН-Д “ЗАРЧИХСАН” ГЭВ ҮҮ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 16
  • Сэтгэгдэл үлдээсэн: 2021-04-30 00:14:56
    Ха ха: Өлсөөд байна шдээ. Ойлго л доо.
  • Сэтгэгдэл үлдээсэн: 2021-04-29 18:33:01
    нэмэн: Яаж чиг байсан. болно. шүүдээ. Намын эрх. байгаа юм чинь. Нэгдэж. л байвал. сайн. Олон. хүн. олон. хэрэггүй. юм ярина. Ардчилсан. нам. гэхэд. Элбэгдоржийн. туслах. байсан нэг хүүхэн л ерөнхийлөгч. болно. гээд. үймүүлээд. байна
  • Сэтгэгдэл үлдээсэн: 2021-04-29 17:29:35
    Х: АН дотроо хурдан учираа олохгүй бол Ерөнхийлөгчид нэр дэвших хугацаа тулчихлаа. Нэг нам болж нэгдэхгүйгээр хүнээ нэр дэвшүүлэх боломжгүй. МАН бүр хүчирхэгжсэн. Одоо эв нэгдлээ хангахгүй бол АН цаашид хол явахгүй. Хонгилын хүмүүстэй хариуцлага тооцохгүйгээр урагш алхам хийж чадахгүй шүү!
  • Сэтгэгдэл үлдээсэн: 2021-04-29 14:25:00
    Тогтохбаяр: Иймэрхүү эрх мэдэл албан тушаалын наймаа яг үнэн юм бол тэр ярьсан яриа тохиролцоо хийснийг нь ямар ч эвлүүлэггүй засваргүйгээр олон нийтийн телевизүүдээр цац. Үгүй юм бол худал мэдээлэл сошилд тавихаа боль. Ард түмэнд бодит мэдээлэл хэрэгтэй. Ер нь энэ 2 нам нийлж яагаад болохгүй гэж. Нийлэхийг дэмжиж бна. Ганц ерөнхийлөгчийн сонгууль ч биш дараа дараагийн их хурлын сонгууль ч бна шүү дээ.
  • Сэтгэгдэл үлдээсэн: 2021-04-29 14:03:15
    Дөлгөөн: Чадаж байгаа юманд арга байхгүй гэдэг үгийг яг одоо МАН батлан харуулж байна. Одоо тэгээд хүчтэй байлаа гээд хэн ч яаж ч чадахгүй нь үнэн бөлгөө
  • Сэтгэгдэл үлдээсэн: 2021-04-29 14:01:02
    иргэн: Энхбаяр намаа МАН-тай нийлүүллээ гээд өөрөө намын дарга болно гэж арай гүйхгүй байлгүй дээ. Магадгүй МАН дэд даргатай болохыг ч үгүйсгэх аргагүй л юм
  • Сэтгэгдэл үлдээсэн: 2021-04-29 13:56:36
    Мөнхбат: Үгүй, одоо чадаж байна даа л гэж хэлэхээс... АН-ыг Х.Баттулга, С.Эрдэнэ хоёр тараагаад тавьчихсан. Хүн намынхан хөхнөөсөө гараагүй балчир байна. Н.Энхбаяр эргэж нутаг гүйх санаатай байна. Улс төрийн зураглал ийм л байхад Х.Баттулга ҮХЦ-ыг л дарамтлах аажил хийж байна ш дээ
  • Сэтгэгдэл үлдээсэн: 2021-04-29 13:53:29
    Хүслэн: Одоо харин МАН-аас нэг Ерөнхийлөгчтэй болчихвол төрийн ажил хурдан явчих юм шиг санагдаад байхын. АН-аас Ерөнхийлөгчтэй байлаа гээд хуульд хориг тавихаас өөр юу хийж чадахгүй, тавьсан хоригоо хамгаалж ч чадахгүй гэдгийг 4 жил харлаа.
  • Сэтгэгдэл үлдээсэн: 2021-04-29 13:53:28
    Энхжаргал: Одоо харин МАН-аас нэг Ерөнхийлөгчтэй болчихвол төрийн ажил хурдан явчих юм шиг санагдаад байхын. АН-аас Ерөнхийлөгчтэй байлаа гээд хуульд хориг тавихаас өөр юу хийж чадахгүй, тавьсан хоригоо хамгаалж ч чадахгүй гэдгийг 4 жил харлаа.
  • Сэтгэгдэл үлдээсэн: 2021-04-29 13:49:34
    zochin: МАН бол Энхбаярын намтай намгүй л хүчтэй улс төрийн хчүин. Гэхдээ МАХН-тай нийлчихвэл ядаж 100 жилийн ойгоо булаалцалдаад байхгүй юм даа
  • Сэтгэгдэл үлдээсэн: 2021-04-29 13:44:05
    zochin: Ардын нам угаасаа ХҮН, МАХН, АН-гүйгээр мөрөөдөлдөө хүрчих чансаатай л даа. Эд нар нь харин МАН-ыг дагаад гүйгэжэд байгаан биш үү
  • Сэтгэгдэл үлдээсэн: 2021-04-29 13:44:05
    зочин: МАН нэгтгэж байна, АН задарч байна. Бусад нв ашиг хонжоо хайж байна. Намуудын л чадварын асуудал ш дээ
  • Сэтгэгдэл үлдээсэн: 2021-04-29 13:44:03
    Оюунцэцэг: Ардын нам ардын засаг мандтугай Эвтэй байхдаа хүчтэй
  • Сэтгэгдэл үлдээсэн: 2021-04-29 13:44:02
    зочин: ха ха ха. Н.Энхбаяр хормойгоо сөхөөд АН, МАН хоёрын урдуур хойгуур мөн ч их эргэлдэж байна дааа.
  • Сэтгэгдэл үлдээсэн: 2021-04-29 13:44:02
    Баярмаа: МАН-д хэдэн халтар цаазаар намаа худалдаж үзэл бодлоор нэгдсэн гишүүдээ зарж байгаа бол хохь нь гэхээс өөр юу хэлэхэв дээ
  • Сэтгэгдэл үлдээсэн: 2021-04-29 09:18:50
    Хүрэлсүхэд: Хөөрхий дөө ман хэмээх луйварчид хүчин хийгчид ждүчид концэсс шаагчид 60 тэрбумчид модоншатар төмөрсүх нарын казиночид бүгд унанана
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2026 © Зохиогчийн эрх хуулиар хамгаалагдсан. Мэдээлэл хуулбарлах хориотой.