ЕРӨНХИЙЛӨГЧИЙН ЦАГАА ОЛООГҮЙ ЗАХИРАМЖ УЛСАА БУТАРГАХАД ХҮРГЭХ ВИЙ

Б. Бадралмаа:
Улс төр- Тэрслүү үг

2021-04-20, 1198

ЕРӨНХИЙЛӨГЧ ЦАР ТАХАЛ НҮҮРЛЭСЭН ХҮНД ҮЕД ИРГЭДИЙГ СЭТГЭЛ САНААГААР ДЭМЖИХ НЬ БИТГИЙ ХЭЛ, УЛАМ БҮР “ТУЙЛДУУЛЖ” ОРХИЛОО

Сонгуулийн өмнөх улстөржилт хүчээ авч, сонгууль угтсан шоуны салхийг Ерөнхийлөгч Х.Баттулга хагалчихлаа. Тодруулбал, өчигдөр Монгол Улсын Ерөнхийлөгч Х.Баттулга мэдэгдэл хийж, Засгийн эрх баригч МАН-ыг тараах захирамж гаргаж буйгаа мэдэгдэв.

Ийн олны чихийг дэлдийлгэсэн ил мэдэгдэл нь цар тахлын амаргүй цаг үед улс орны эрх ашгаас илүүтэй өөрийн амин хувийн эрх ашгийг урьтал болгосон хариуцлагагүй үйлдэл болов. Ерөнхийлөгчийн мэдэгдлийг ард түмэн чих тавин хүлээж, сонсдог атал энэ удаад тэр хэт улс төржсөн мэдэгдэл гаргасанд олон нийт гомдож, бухимдаж байгаа харагдана. Угтаа бол энэ үйлдэл нь Монгол Улсын тусгаар тогтнолын 100 жилийн түүхийг үгүйсгэж байгаагаас ялгаагүй үйлдэл болсон хэмээн иргэд бухимдаж буй.

Халдварын тархалт улам бүр газар авч, халдвар авсан хүний тоо өдөрт хэдэн зуугаараа нэмэгдэж, нас баралтын тоо өссөөр буй. Өчигдөр гэхэд коронавирусийн халдвар авсан иргэний тоо 22884-т хүрч, “Ковид-19”-ийн нөлөөгөөр нас барсан хүний тоо 49 болов. Эмч, цагдаа онцгой байдлын ажилчид нойр хоолгүй, амрах ч завгүй ажиллаж байгаа энэ цаг үед тэдний сэтгэл санааг дэмжих урмыг үг үгүйлэгдэж буй.

Гэвч төрийн тэргүүн нь бодит байдлыг харах сөхөөгүй өөрийнхөө улс төрийн карьераа хөөцөлдөж, улсынхаа эрх ашгийг хойш тавьсан нь даанч харамсалтай. Яг өдийд л монголчууд эв нэгдэлтэй, нэг сэтгэл, хүсэл зорилготой байж цар тахлын хүндрэлийг давж гарах байв. Вакцин татан авах ажлаа эрчимжүүлж, Ерөнхийлөгч, Ерөнхий сайд нь хамтран ажиллаж, иргэдийнхээ эрүүл мэнд, амь насыг хамгаалах нь нэн тэргүүний ажил баймаар. Ачааны хүндийг хамт үүрэлцэж, улс орныхоо эрх ашгийн төлөө нэгдэж ажиллах чухал цаг үе байлтай. Харамсалтай нь, хамгийн гол тулгуур болох Төрийн тэргүүн нь ард түмнийг хагалган бутаргах үйлдэл хийчихсэнээс ялгаагүй боллоо.

Монгол Улсыг нэг айл гэж үзвэл гэрийн эзэн, өрхийн тэргүүн нь Ерөнхийлөгч. Хэдийд ч, ямар ч зүйл тохиолдсон аав хүн өрхийн тэргүүн хүүхдүүдээ ялгаварлан гадуурхаж, нэгийг нь илүү үздэггүй баймаар сан. Гэтэл эрх мэдлээр далайлгаж, улс төрийн томоохон хүчнээ тараахаар санаархсан нь Монголын төрийг дархлаагүй болгож буйгаас ялгагдахааргүй үйлдэл болов.

Шинэ Засгийн газар бүрдэж, сайд нарыг хүлээн авах үеэрээ Ерөнхийлөгч Х.Баттулга “Аюулт цар тахлыг Засгийн газартай хамтран даван туулна” хэмээн мэдэгдэж байсан нь саяхан. Гэтэл Ерөнхийлөгч хэлсэн үгнээсээ буцаж, цар тахал нүүрлэсэн хүнд үед иргэдийг сэтгэл санаагаар дэмжих нь битгий хэл, улам бүр “туйлдуулж” орхилоо.

Хэдий Ерөнхийлөгчийн сонгууль ойртож, улс төрийн хувьд анхаарал хандуулах цаг үед ирсэн ч цар тахлын нөхцөл байдал энэ хэвээр удаан үргэлжилбэл сонгууль хойшлохыг ч үгүйсгэхгүй.

Монгол Улсын Ерөнхийлөгч Үндэсний аюулгүй байдлыг сахин хамгаалж, эв нэгдлийн бэлэг тэмдэг болох ёстой атал улс төрийн томоохон хүчнийг тараах тухай мэдэгдэл хийсэн нь энэ удаад лав цагаа олсонгүй.

ЕРӨНХИЙЛӨГЧИЙН ЦАГАА ОЛООГҮЙ ЗАХИРАМЖ УЛСАА БУТАРГАХАД ХҮРГЭХ ВИЙ

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 4

Сэтгэгдэл үлдээсэн: 2021-04-21 20:04:50

Г.Туул : Ерөнхийлэгч намуудийг бүх адр түмнийг тагцуулж байна миний мэдэх ингэж ард түмнийг үймүүлж байсан Ерөнхийлэгч нь Баттулаг шүү мэдлэгүй хүний толгойгоор удирдуулж бна
Сэтгэгдэл үлдээсэн: 2021-04-21 18:15:16

Оюука: Монгол улсыг мөрөөдөл хаад голуудын ан цавд дунд нь оч асаахад хятадууд хэдэн зуунаар нь далайж өөрийн болгоход амархан бай5а даа. Үе2ийн ерөнхийлөгч нар эрх мэдэлд хүрээд буухаараа хэмжээлшгүй их хөрөнгө мөнгөтэй болох юм. 1. Очирбат уул уурхайн лицензийг наймалж, гаршсан. 2. Багьбанд дансандаа 1 тэрбум төгрөгтэй, сарын хэдэн сая төгрөгийн цалинтай байж тэтгэвэрийн зээлээ тэргүүлсэн, 3. Элбэгдорж хувьтай хуувилдаж төрийн мөнгөөр улсын үйлдвэрийг худалдан авч, шүүх засаг авилгалын хонгилын өөрийн хүссэнээр бий болгосон, 4. Баттулга өөрийн нэрийг ард түмэнд сайхан харагдуулах гэж их л хичээж, өөрийн саалийн үнээгээ хориглоод байсан төмөр зам барьж, шүүхийг дураар бий болгож байна. Яагаад бид ерөнхийлөгчөө эвдэж , улс орны эрх ашгийг өөрийн эрх ашгаар дор үздэг хүмүүс болгож байгаа юм бол. Нэг бол бид буруутай юм бол уу эсвэл монгол хүн болгон ийм увайгүй юм болов уу? Бид Нямдорж, Бат Үүл, За.энхболд, С.Эрдэнэ шиг хүмүүсээр улс орноо удирдуулж явсан гэж хойч үедээ хэлүүлэхэд хэцүү бна.
Сэтгэгдэл үлдээсэн: 2021-04-20 12:21:10

зочин: Цагаа олоогүй захирамж нь ард бидний дархлааг унагаж алахнээ.Ард түмнээ хагалан бутаргаж цуст мөргөлдөөнд дууддаг eрөнхийлөгч хэрэггүй.Дахиж бидний өмнө бүү үзэгд
Сэтгэгдэл үлдээсэн: 2021-04-20 10:28:26

zochin: Setguulchid mini uls toriin talaar niitlel bichih gej bgaa bol, yadaj uls toriin shinjleh uhaanii onoliig zaahan gadarladag baimaar yum daa. Zugeer l oorsdiinhoo bodloor asuudald handah yum daa. Undsen huuliin bus argaar, uls toriin deglem oorchlogdoh nohtsol burdchiheed baihad, oor yamar shiidver gargah bsan yum be. Denduu genen bn daa

Шинэ мэдээ

Нийтлэлчид