С.Амарсайханаас Я.Содбаатар, С.Энхболдоос Т.Мөнхсайхан нь хамаагүй сэтгэлтэй, зохион байгуулалттай ажиллаж байжээ

Б. Бадралмаа:
Улс төр- Тэрслүү үг

2021-03-22, 3552

-ЗАСГИЙН ГАЗАР ОГЦРОХ ХАНГАЛТТАЙ ОЛОН ШАЛТГААН БҮРДЧИХЛЭЭ-

Шадар сайдаар Я.Содбаатар, Эрүүл мэндийн сайдаар Т.Мөнхсайхан ажиллаж байхад коронавирусийн нөхцөл байдал арай ч ингэтлээ дор ороогүй. Ядаж л халдварын голомтыг хяналтдаа байлгаж, орон нутагт тархаахгүй байх бүх боломжоор хангаж байв. Гэтэл Засгийн газар солигдож, сайд нар шинэчлэгдсэнээс хойш Төрийн албаныхан хөл толгойгоо мэдэхээ больж, коронавирусийн халдвар хяналтаас “гараад” явчихлаа. Арай хийж хяналтдаа оруулсан халдварын голомтыг хөл хорио сулруулж байгаа нэрээр хөдөө орон нутаг руу “алдчихсан”. Одоо хөл хорио тогтоогоод ч нэмэргүй, хэцүү цаг үе ирж байх шиг байна.

Сүүлийн хоёр долоо хоногийн хугацаанд короновирусийн халдвар авсан иргэдийн тоо эрс нэмэгдэж, “Ковид-19”-өөр өвчилсөн хүний тоо өдөрт 100-аас дээш тохиолдлоор нэмэгдэх болов. Угтаа бол одоогийн сайд нар хэнэггүйтэж, өмнөх сайд нарынхаа хийсэн ажлыг үнэгүйдүүлж орхих нь тэр. Уг нь У.Хүрэлсүхийн Засгийн газрын сайд нар хэрэндээ ажиллаж, вакциныг нь хүртэл бэлдээд өгчихсөн. Гэтэл шинэ сайд нар нь үүнийг ажил хэрэг болгож чадсангүй. “Үүрэхийг нь би үүрье аахилахыг нь чи аахил” гэгчээр эмнэлгийн хэдэн ажилтан нь ачааны хүндийг нуруун дээрээ үүрч байх шиг байна. Засгийн газар, Улсын онцгой комиссоос гаргаж байгаа шийдвэрүүд “бай”-гаа онохгүй, иргэдийг төөрөгдүүлсэн хэвээр. Гэтэл тэдний гаргасан алдаатай бодлогынх нь горыг галын шугаманд ажиллаж байгаа алба хаагчид хүлээж байна гэхэд хилсдэхгүй.

Ажлаа хүлээж аваад удаагүй байхдаа Шадар сайд С.Амарсайхан, Эрүүл мэндийн сайд С.Энхболд нарын хийж хэрэгжүүлсэн хамгийн том ажил нь “Нэг хаалга-нэг шинжилгээ” байв. Тэд “Сар шинийн баярын өдрүүдэд нийслэлийн 420 мянга гаруй өрхийг шинжилгээнд хамруулж, халдварыг хяналтдаа оруулна” гэж амлалт өгөөд 12 хоногийн турш хатуу хөл хорио тогтоож, шинжилгээ авах ажил зохион байгуулсан. Тэдний хэлснээр бол өдийд бүх хүн шинжилгээнд хамрагдчихсан, халдварын голомтыг бүрэн хяналтдаа оруулчихсан, айх айдасгүй амар тайван байх байлаа.

Харамсалтай нь, ямар ч тооцоололгүй энэ ажил нь байдлыг улам хүндрүүлж орхижээ.

Эрүүл мэндийн сайд асан Т.Мөнхсайхан анх “Бүх өрхөөс шинжилгээ авах боломжгүй, тийм нөөц бололцоо байхгүй. Тэгээд ч үр дүнгүй, хэрэггүй ажил” гэж сануулж байсан удаатай. Гэвч шинэ сайд үүнийг нь огт тоосонгүй, хэнэггүйтэж байгаад шинжилгээ авах эмнэлгийн хэрэгсэлгүй болтол нь нөөцийг нь шавхчихсан бололтой. Хамгийн сүүлд шинжилгээнд хамрагдсан дүүрэг хороонынхон “Нэг хаалга-нэг иргэн” шинжилгээнд хамрагдаж чадалгүй хоцорсон өрх олон бий. Шинжилгээ авах нөөц, хэрэгсэл дууссан учраас ийн хамрагдаж чадаагүй. Үүнийг нь Шадар сайд С.Амарсайхан “Өмнөх хороо дүүргийн иргэд нэг өрхөөс нэг хүн хамрагдах ёстой байтал нэг өрхөөс олон хүн хамрагдсанаас болж, шинжилгээ удаашралтай явж байна” гэж тайлбарласан удаатай. Мөн “Эмнэлгийн нэг удаагийн бээлийн байхгүй дууссан учраас шинжилгээ авах боломжгүй болчихлоо” гээд эмч нь тайлбарлаж буй бичлэг ч цахим орчинд шуугиан тарьсан. Одоо харин Шадар сайд С.Амарсайхан “Нөхцөл байдалд дасан зохицож амьдарна. Хөнгөн хэлбэрийн өвчтөнүүдийг гэрээр эмчилнэ” гэх агуулгатай үгийг мэр сэр унагаах боллоо.

Эрүүл мэндийн сайдаар Т.Мөнхсайхан ажиллаж байх үед энэ салбарын үйл ажиллагаа арай дэг журамтай болж, зохион байгуулалттай болж эхэлсэн гэдэг. Тэрбээр сайдаар ажиллаж байх хугацаандаа “Эрүүл мэндийн салбарт олон жил бугшсан асуудлыг ил болгоно. Энэ салбарт олон жил ажилласан хүмүүс нь ажил хийлгэдэггүй юм байна. Үүнтэй тэмцэнэ” гэж мэдэгдэж байсан ч “огцруулсан”. Одоогийн сайд С.Энхболдыг арай л сул дорой байна гэж олон нийт шүүмжлэх боллоо. Хамгийн сүүлд гэхэд ХӨСҮТ-ийн эмч, сувилагч нар бусдад коронавирусийн шинжилгээ хийж байгаа нэрээр “СӨРӨГ” гэх бичиг хуурамчаар үйлдэн хамгийн багадаа 80 мянган төгрөгөөр борлуулдаг байсан, эхнэр нь нөхрийнхөө өмнөөс хэд хэдэн удаа шинжилгээ өгч, “Сөрөг” хариу авдаг байсан зэрэг ноцтой асуудлууд ил болов.

Мөн УОК-оос “Бүх нийтээр нь хөл хорио тогтоохгүй. аль болох аж ахуйн нэгжүүдээ дэмжинэ” хэмээгээд хөл хорио тогтоох ангилал гаргачихсан. Үүний дагуу Баянзүрх дүүргийн 26 дугаар хороонд хатуу хөл хорио тогтоогоод байх үеэр нь нэг иргэн 15 давхраас унаж амиа алдлаа. Түүнчлэн орон нутгийн иргэнийг тусгаарлахдаа 20 километр газар машинаар явган тууж явсан гэх мэдээлэл ч бий. Амаржсан эхийг өвлийн хүйтэнд углааш, халаадтай гаргасныхаа төлөө У.Хүрэлсүхийн Засгийн газарт Шадар сайдаар ажиллаж байсан Я.Содбаатар, Эрүүл мэндийн сайд асан Т.Мөнхсайхан нар хариуцлагаа хүлээж, огцрох саналаа хүргүүлсэн байдаг. "Хүнд үед ажиллаж байгаа хоёр сайдаа явуулахгүй" хэмээн У.Хүрэлсүхийн Засгийн газар танхимаараа огцорчихсон. Тэгвэл С.Амарсайхан, С.Энхболд нарын үед үүнээс ч ноцтой байдал үүсчихээд байна. Угтаа бол Засгийн газар огцрох хангалттай шалтгаан бүрдчихлээ.

С.Амарсайханаас Я.Содбаатар, С.Энхболдоос Т.Мөнхсайхан нь хамаагүй сэтгэлтэй, зохион байгуулалттай ажиллаж байжээ

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 10

Сэтгэгдэл үлдээсэн: 2021-04-25 14:36:34

иргэн : За за бүгд яг адилхан хулгайчууд. Зүгээр л мөнгө хүүлэгчид.
Сэтгэгдэл үлдээсэн: 2021-03-25 07:57:07

Зочин: Шинэ засагын газар үнэхээр ажлаа хийж чадахгүй бүгдээрээ морь унасан толгойгүй хүн болжээ. Ажлаа мэдээд хийж бгаа хүн алга ард түмнээ элэгээр нь хэвтүүлж бна . Энэ засаг ерөнхийлөгчийн сонгуулиас өөр юм бодохгүй зөвхөн намын эрх ашгийн төлөө ажиллаад бна. Ард түмний тэвчээр дуусвал нэгдээд тэмцэл эхлэнэ шүү . Тэвчээр хязгаартай шүү
Сэтгэгдэл үлдээсэн: 2021-03-22 17:17:28

Иргэн: Угаасаа өмнөх ЗГ сайн ажиллаж байсан. Үүнд ЭМЯ, УОК, БШУЯ зэрэг. Даанч сошиалаар ажлаа хийдэг улс оронтой тул ямар ч ЗГ бүрдээд хэрэг алга.
Сэтгэгдэл үлдээсэн: 2021-03-22 17:16:34

Zochin: Huja gadaad ornuudad kovid 19gd ovdson haldvar avsan hun uhaan aldaj unaj bhad mongol unaj uhaan aldsan neg ch hun gert alban gazar gudamj gd uzegdeegui hudaa shou hj man ih mobgo ugaaj bga bn teged ard tumendee say tog ogch hatuu ch horij chadahfui bn ebe ovchin barag hudlaa gj yrih hun zondoo man ard tumnig doromjilj bga d huja vaktsin hucheer tarij bn
Сэтгэгдэл үлдээсэн: 2021-03-22 16:51:57

Zochin: Sahil hurteed shal dordov gegch bolloo doo
Сэтгэгдэл үлдээсэн: 2021-03-22 15:48:01

DABAACHIMEG: Sain muu gej dvgneheesee ilvv ajiliig ni hiilge hvn bvgdiiin tabiig taaruulj vl bno ilvv sain ajillah htei
Сэтгэгдэл үлдээсэн: 2021-03-22 14:02:18

Должинсүрэн: Үнэхээр бухимдаж бна өр зээлээ яах юум түрээсээр амьдарч амьдралаа залруулж бгаа өрх толгойлж яваа над шиг эмэгтэйчүүд зөолон л бгаа байх даа түрээсийн байранд түрээсийн лангуутай одоо тэгээд яаж амьдрахаа мэдхээ байлаа төрөөс баахан дэмжлэг гээд бгаа нь над шиг хүмүүст ер хамаарахгүй хамрагдах ямар ч боломжгүй үнэхээр хэцүү бна шүү
Сэтгэгдэл үлдээсэн: 2021-03-22 10:59:48

Голомтоо нуух нь хууль зөрчсөн хэрэг: Саяхан С.Одонтуяа гэмтлийн эмнэлгийн голомтыг нууж байна гэж жиргэсэн . Гэтэл гэмтлийн эмнэлэг 3 тасагаа хааж битүүмжилж, хорионд 150 эмч ажилчид эмчлэгдэн ажиглалтад байна. Түүнчлэн гжрийн ажиглалт 14 хоног болсныг мэдэхгүй ажилд нв эмч нараа оруулж дэглэм журам зөрчиж байна. Энэ эмнэлэгт халдвар тархаж удирдлага нь яг ЭМЯ сайд шигээ зогсонго байдалд баына . УОК ЭМЯ Одоо яах вэ ингээд нуугаад байх уу
Сэтгэгдэл үлдээсэн: 2021-03-22 10:47:53

Иргэн : ЭМС-аар Мөнхсайханг хэвээр нь ажиллуулах санал давалгаа явж байсан зөв бсан. Энхболд ажилаж чадахгүй бна Эртхэн солиочээ
Сэтгэгдэл үлдээсэн: 2021-03-22 08:57:22

Zochin: Ajliig ni hiilgehgui muulaad l baisan humuus mini huniig uhsen hoin ni sain geed magtaad baidagtsi adil bna er ni bol zugeer ajliig ni hiilge eruul mendiin toloo zutgej l bna