Цахим хөгжил, харилцаа холбооны дэд сайд Б.Болор-Эрдэнэд хууль үйлчилдэг үү гэдгийг одоо л харах нь дээ, ард түмэн. Өөрөөр хэлбэл, өнгөрсөн амралтын өдрүүдэд дэд сайд Б.Болор-Эрдэнэ ард түмнээ яс, үндэс, мэдлэг боловсрол, нас хүйсээр нь ялгаварлан гадуурхаж, Үндсэн хуулиа зөрчсөн бичлэг нь олон нийтийн сүлжээнд шүүмжлэл дагуулаад байна.

   Түүний хэлснээр бол ЗХУ-д мэргэжил эзэмшсэн дунд үеийн төлөөллүүд Ерөнхий сайдыг улсаа “удирдаж”, ажил хийхэд нь ихээхэн саад болдог юм байх аа.

    Тэрбээр энэ тухай “Орост боловсрол эзэмшсэн, хоцрогдсон ахмад, дунд шатныхан төрийн ажлыг хурдтай явуулахад саад болсон. Энэ нь Ерөнхий сайд, Засгийн газрыг ажил хийхэд саад тотгор учруулсан” хэмээн ярьсан байгаа юм.

      Гол агуулгыг нь эргээд харвал Ерөнхий сайд Л.Оюун-Эрдэнийг Засгийн газраа толгойлоод удаагүй байх үед буюу Б.Болор-Эрдэнэ Харилцаа холбоо, мэдээллийн технологийн газрын дарга байхдаа Саудын Арабын Эр Рияд хотноо болсон Дэлхийн ирээдүйн хөрөнгө оруулалтын талаар хэлэлцдэг "Future Investment Initiative” чуулганд оролцох үеэрээ  д ярьсан нь энэ. Ерөнхий сайдыгаа хамгаалж байгаа нь энэ гэсэн үг л дээ.

        “Будаач, будаач гэхээр сахлаа буддаг” гэгчээр сайд аа магтах гэж байгаад бусдыг нь үгүйсгэдэг жишгийг Цахим харилцаа холбоо, хөгжлийн сайд Б.Болор-Эрдэнэ бий болгочихлоо. Гэвч Б.Болор-Эрдэнэ сайдын ил үйлдэл сайдынхаа нэр хүндийг, өөрийнхөө карьертай хамт унагаачих шиг боллоо.

      Уг нь эрх баригч намынхны дүрмээр бол Б.Болор-Эрдэнэ сайдын энэ асуудал сайдын суудалдаа үлдэх үү, үгүй юү гэдгийг нь дэнслэх том дуулиан. Өөрөөр хэлбэл, Хөдөлмөр нийгэм хамгааллын сайд асан Д.Сарангэрэл сайдын суудалд очоод ганцхан сарын дотор иргэдээ “ул”-ны хэмээн доромжилсныхоо төлөөхөө сайдын суудлаа хүлээлгэж өгсөн. Угтаа бол түүнийг иргэдээ үндэс, угсаа, нийгмийн байдлаар нь ялгаварлан Үндсэн хууль зөрчсөн гэж үзээд МАН-ын хариуцлага хүлээлгэж, албан тушаалаас нь буулгасан.

     Харилцаа холбооны сайдын дээрх үйлдэл ч Д.Сарангэрэл гишүүний хэлснээс хол зөрөөд байхааргүй том асуудал гэдгийг энд сануулах нь зүйтэй биз.

    Анх төрийн удирдах дээд байгууллагад орж ирсэн цагаасаа л хуулийн босгыг саадгүй давж, шат ахисан алба хаагч нь Б.Болор-Эрдэнэ сайд байв. Өөрөөр хэлбэл, Б.Болор-Эрдэнэ сайдын суудалд очихоосоо өмнө Цахим хөгжил, харилцаа холбооны яамны Төрийн нарийн бичгийн даргын түр орлон гүйцэтгэгчээр томилогдож байлаа. Үндсэндээ түүний албан тушаал нь Монгол Улсын хууль тогтоомжийг зөрчиж, ногоон гэрлээр төрийн удирдах албанд томилогдсон гэсэн үг. Тодруулбал, Төрийн албаны тухай хуулийн

23.2.1.тэргүүн түшмэлийн ангилалд хамаарах албан тушаалд томилогдох бол төрийн албанд 16-аас доошгүй жил, үүнээс эрхэлсэн түшмэлийн албан тушаалд наймаасаас доошгүй жил ажилласан байх бөгөөд мэргэшүүлэх багц сургалтад хамрагдаж, төгссөн байх;

23.2.2.эрхэлсэн түшмэлийн ангилалд хамаарах албан тушаалд томилогдох бол төрийн албанд 12-оос доошгүй жил, үүнээс ахлах түшмэлийн албан тушаалд дөрвөөс доошгүй жил ажилласан байх бөгөөд мэргэшүүлэх багц сургалтад хамрагдаж, төгссөн байх;

23.2.3.ахлах түшмэлийн ангилалд хамаарах албан тушаалд томилогдох бол төрийн албанд 8-аас доошгүй жил, үүнээс дэс түшмэлийн албан тушаалд 4-өөс доошгүй жил ажилласан байх бөгөөд мэргэшүүлэх багц сургалтад хамрагдаж, төгссөн байх гэсэн Төрийн албан тушаалд тавих тусгай шаардлагыг зөрчин байж албан тушаалд хүрч байлаа.

        Б.Болор-Эрдэнэ сайдын дуулиан дан ганц үүгээр дуусахгүй. “Цахим үндэстэн” нэрийн дор цар тахлын журам зөрчсөн, “И-Монголиа”-г сурталчлах нэрээр татвар төлөгчдийн мөнгийг урсгасан, мэдээллийн сайтуудыг тандах захиалга өгсөн гэх мэтээр түүнтэй холбоотой баримтууд хөвөрнө.

         Хамгийн сүүлд гэхэд Боловсролын зээлийн сангаас их хэмжээний зээл авч, түүнийгээ төлөөгүй гэх баримт ч бий. Тодруулбал,  Цахим хөгжил, харилцаа холбооны дэд сайд Б.Болор-Эрдэнэ 2016 онд БЗС-гаас 32.000 ам.долларын зээл авч, “Oxford”-д сурсан. Түүний аав Батцэнгэл Мал эмнэлэг, үржлийн газрын даргаар ажиллаж байсан бөгөөд түүнийг боловсролын зээл авахад нөлөөлсөн байж болзошгүй гэж үздэг. Түүнчлэн зээлээ хуулийн хугацаанд эргүүлэн төлөөгүй нь. Гэвч түүний ХОМ-ээс харахад дээрх зээлээ хангалттай төлөх боломжтой гэдэг нь нотлогддог билээ. Харин Б.Болор-Эрдэнэ энэ талаар “Б.Болор-Эрдэнэ энэ талаар “Энэ зээл эх орондоо таван жил ажиллах нөхцөлтэй. Тэр нь явж байгаа. Зээл авахдаа барьцаанд нь байраа тавьсан. Байр барьцаанд байгаа” гэх тайлбарыг өгсөн байдаг.

     МАН-ынхнаар магтуулж, крандуулж гарч ирсэн нас залуу дэд сайдыг цаашид суудалд нь үлдээх үү, үгүй юү гэдгийг ард түмэн ажиглаж байна. Үндсэндээ бол МАН-ын эхлүүлсэн хариуцлагын сэлмээр бол түүний дээрх баримтууд сайдын суудлаас нь буулгах хангалттай үндэслэл болохоор байна.