- ҮЕРИЙН ГАМШИГТ ӨРТСӨН АРД ИРГЭДИЙН  УЙ ГАШУУ, ХАРУУЛСАЛ ДУУСААГҮЙ БАЙХАД НИЙСЛЭЛИЙН ХУРАЛДААН ДЭЭР ХЭРЭЛДЭЖ, УЛСТӨРЖӨӨД СУУЖ БАЙГАА НЬ ЗҮЙД НИЙЦЭХ ҮҮ, Н.БАЯРМӨНХ ДАРГА АА-

            Хариуцсан дүүрэг нь хэсэгхэн зуурын аадар борооны үеэр үерт автаж, хэд хэдэн хүний амь эрсдэж, иргэд эд хөрөнгөөрөө хохирчихоод байхад дүүргийн Засаг дарга нь намынхаа бодлого шийдвэрийг дэмжих гээд Иргэдийн төлөөлөгчдийн хурал дээр тэнхээгээрээ хашгирч, тэр байтугай ёс зүйг авирлаж, төлөөлөгчийнхөө өөдөөс салаавч гаргаад сууж байгаа бичлэг олон нийтэд ил боллоо.

     Тодруулбал, өчигдөр Нийслэлийн иргэдийн төлөөлөгчдийн хуралдаанаар нийслэлийн төсөвт тодотгол хийх асуудлыг хэлэлцэж, энэ үеэр Баянзүрх дүүргийн Засаг дарга Н.Баярмөнх дүүргийнхээ Иргэдийн төлөөлөгчдийн хурлын төлөөлөгч М.Тулгаттай маргалдаж, бие биенээ элдвээр хэлж байгаа нь үнэхээр ёс зүйгүй үйлдэл байв. Энэ үеэр НИТХ-ын төлөөлөлгч М.Тулгат “Ардчилсан намын зүгээс үерийн нөхцөл байдалтай холбоотой мэдээлэл сонсоё гэдэг хүсэлт тавьсан. Гэтэл та нар цаг бидэнд өгөөгүй. Өнөөдөр хотын дарга Д.Сумъяабазар ирсэн байна. Би иргэдийн дуу хоолой болж байгаа” гэхэд Баянзүрх дүүргийн Засаг дарга Н.Баярмөнх ийн ёс зүйгээ аүйлдэл гаргахад нь М.Тулгат Баянзүрх дүүргийн Засаг дарга та наад салаавчаа иргэдэд гаргаж байгаа шүү” хэмээн маргаад амжив.

     Уг нь өдийд тэд шавар шавхайд хутгалдсан иргэдийнхээ амьдралд санаа тавьж, хамтдаа хийж, шийдвэрлэх ажлаа ярилцаад, орох оронгүй, толгой хорогдох гэргүй болсон иргэдийнхээ төлөө цаг наргүй ажиллах үүрэг хүлээсэн  хариуцлагатай албан тушаанууд баймаар. Тэр байтугай Засаг дарга, төлөөлөгч хоёрт хэрэлдэх нь битгий хэл, унтах зав олдохгүй л толгой өөд татахгүй ажиллаж байх үе сэн.

     Гэвч тэд үерийн гамшиг тохиолдсон ард иргэдийн  уй гашуу, харуулсал дуусаагүй байхад нийслэлийн хуралдаан дээр хэрэлдэж, биенээ элдэвлээд улстөржөөд завгүй сууцгааж байна. Бүхэл бүтэн дүүргийг хариуцаж байгаа төрийн алба хаагчаас гарахааргүй авирыг Н.Баянмөнх дарга гаргаж суугаа нь дэндүү увайгүй байлаа.

      Өнгөрсөн хугацаанд Баянзүрх дүүргийн Засаг дарга Н.Баярмөнх хэвлэлээр  мөн ч их өөрийгөө магтуулах ажлыг хийсэн дээ уг нь. Түүнийг цахим орчинд “Зангаргатай, хийсэн ажилтай хэлэх үгтэй жинхэнэ төрийн алба хаагч” хэмээн магтаж, зангиа зүүсэн иргэдтэй уулзаж яваа постыг олон ч удаа цацсан. Харамсалтай нь өнгөрсөн нэг сар гаруй хугацаанд Баянзүрх дүүргийн Засаг даргын ажилд байгаль өөрөө дүнгээ тавьчихлаа. Өөрөөр хэлбэл, өнгөрсөн долдугаар сараас хойш нийслэлд орсон аадар борооны үеэр усанд автаж, хамгийн их хохирол амссан дүүргээр Баянзүрх дүүрэг тэргүүлж, жагсаалтын эхэнд бичигдэх болзлоо хэдийнэ хангачихаад байна. Гэтэл үерийн талаар мэдээлэл өгөхийг шаардсан төлөөлөгчийнхөө өөдөөс ёс зүйгүй авирлаж, жинхэнэ зангараггүй улстөрч гэдгээ олон нийтийн өмнө тэр өөрөө зарлачихав.

     Тэр байтугай цар тахлын үед улс даяараа өндөржүүлсэн бэлэн байдлын мэдээллийг нэг эх сурвалжаас хүргэж байхад дүүргийнхээ хэвлэл мэдээллийн хэрэгслээр дамжуулан өөрийгөө суртчилсан даа. Гэвч өнөөдөр түүний хийсэн ажил, хэлсэн амлалтанд нь байгаль өөрөө дүн тавьчихлаа. Уг нь эрх баригч намынхан өнгөрсөн хоёр удаагийн сонгуульд ялалт байгуулахдаа “Хамгийн ёс зүйтэй, хариуцлагатай алба хаагч нарыг Засаг дарга болон удирдах албан тушаалд томилно” гэх амлалт өгч байсан санагдана. Тэгвэл энэ мэтээр бүхэл бүтэн дүүрэг удирдаж байгаа дарга нар ёс зүйгүй авирлаж, ард түмнээ тохуурхаж байгааг юм гэж үзэх вэ дарга нараа. Ард түмний амьдрал амь наана там цаана байхад Ардын намын дарга нар мөн ч аархуу байгаа нь эндээс харагдаж байна. Ардын намын дарга нар энэ мэтээр аархаад эхэлэхээрээ л ард түмэнд дүнгээ тавиулдаг даа.

БАЯНЗҮРХ ДҮҮРГИЙН ЗАСАГ ДАРГА Н.БАЯРМӨНХ ГЭЖ ХЭН БЭ

      Баянзүрх дүүргийн Засаг дарга Н.Баярмөнх нь 2020 оноос хойш тус дүүргийн даргаар ажиллаж байна. Тэрбээр урьд нь мөн зодоон, цохионы хэрэгт нэр холбогдож, олон нийтийг шуугиулж амжсан нэгэн. Өөрийгөө Баянзүрх дүүргийн унаган иргэн хэмээн тодорхойлдог тэрбээр 2012 оноос хойш дүүрэг, нийслэлийн ИТХ-ын төлөөлөгчөөр ажилллаж байгаа. Түүний ажлын товч намтрыг танилцуулахад 1992 онд Дархан хотын Цагдаагийн хэлтэст эргүүлийн цагдаагаар ажиллаж байсан. 2008 оноос МАН-ын Бага хурлын гишүүн болсноор орон нутгийн сонгуульд өрсөлдөн, БЗД-ийн ИТХ-ын төлөөлөгч болсон, 2012 онд тус дүүргийн ИТХ-ын төлөөлөгчөөр, 2016 онд дүүргээсээ НИТХ-ын төлөөлөгчөөр тус, тус сонгогдон ажиллажээ.

     Тэрбээр 2011-2012 онд Баянзүрх дүүргийн Засаг даргын орлогч, 2016 онд Монгол наадам цогцолбор орон нутгийн өмчит үйлдвэрийн газрын даргаар томилогдон ажиллаж байжээ. Тэрбээр одоогийн УИХ-ын гишүүн Э.Бат-Амгалангийн зөвлөхөөс дүүргийн Засаг дарга болж, халааг нь авсан нэгэн юм.

6.5 ТЭРБУМ ТӨГРӨГИЙН ОРОН СУУЦ,  1.2 ТЭРБУМ ТӨГРӨГӨӨР ҮНЭЛЭГДЭХ ГАЗАРТАЙ  Н.БАЯНМӨНХИЙН ХӨРӨНГӨ ОРЛОГЫГ МЭДҮҮЛЭГ

     1990-1992 он Дотоодын цэргийн 05 дугаар анги байлдагч түрүүчээс ажлын гараагаа эхлүүлж, 1992 он Дархан хотын Цагдаагийн хэлтэст. Эргүүлийн цагдаагийн алба хаагаар ажиллаж байсан түүний хөрөнгө орлого хэдэн тэрбумаар яригддаг, чамгүй хөрөнгөтэй нэгэн аж. Тэрбээр 2022 оны хөрөнгө орлогын мэдүүлэгтээ нийт 296 сая төгрөгийн хөрөнгөтэй, гэр бүлийн орлого нь 369 сая төгрөг хэмээн мэдүүлж байжээ. Мөн тэрбээр зургаан 6.5 сая төгрөгөөр үнэлэгдэх нийтийн гурав, үйлчилгээний зориулалттай гурван орон сууцтай аж. 167 сая төгрөгийн үнэлгээ бүхий жийп болон туулах чадвар өндөр,Toyota, LEXUS RX330- 1 загварын автомашин 1.2 тэрбум төгрөгийн үнэлгээ бүхий газартай хэмээн өнгөрсөн онд хөрөнгө орлогоо мэдүүлж байжээ.

Улмаар 65 сая төгрөгийн үнэт эдлэлтэй, ТИ Эйч Холдингс ХХК, Монголын цахилгаан холбоо ХК, Эрдэнэс таван толгой ХК-д хувьцаа эзэмшдэг хэмээжээ.