• Өнөөдөр 2022-01-22

ОНЫ ОНЦЛОХ ХҮҮХЭД: Хүсэл мөрөөдлөөр жигүүрлэсэн "ТОМ" хамтлаг

2021-12-29,   256

Монгол Улсын Ерөнхий сайд өчигдөр оны онцлох хүүхдүүдийг шагнаж, урамшуулсан. Энэ үеэр урлаг, уран бүтээлийн төрөлд манлайлсан хүүхдүүд бол Герман, Монголын хамтарсан 38 дугаар сургуулийн 9-2 ангийн сурагч С.Бишрэл,  "Амжилт кибер" сургуулийн 9-2 ангийн сурагч О.Эгшиглэнт-Од нар буюу "Том " хамтлагийнхан юм. Тэгвэл тэдний Эргэлт.мн мэдээллийн сайт мөн оны онцлох хүүхдүүдээр онцолж байна.

  Бага наснаасаа эхлэн хүүхэд багачуудын хайртай том толгойтын адал явдал цувралд гол дүр бүтээж, хамтлагаараа хүүхэд, багачуудад зориулсан нэлээдгүй уран бүтээлийг хүргэсэн. Кинонд тоглож, шинэ дүр бүтээнэ гэдэг тэдний насныхан  битгий хэл, туршлагатай мэргэжлийн жүжигчдэд ч амаргүй даваа байдаг. Харин дэврүүн хүсэл мөрөөдөлтэй, басхүү хэрсүү энэ хүүхдүүд халуунд халж, хүйтэнд хөрж, шөнө нойргүй зураг авалттай байсан ч өнөөдрийг хүртэл нэг ч удаа хүсэл мөрөөдлөөсөө ухраагүй. Харин улам урагшлан ахиж байна.

  Тэдний зөвхөн энэ онд гаргасан амжилтаас дурдвал, Том толгойтын адал явдал цувралынхаа дөрөв дэх анги болох “Том тоглоом гурван эрдэнийн эрэлд” киногоо үзэгчдэд хүргэсэн. Энэхүү бүтээл нь Монголын кино урлагийн түүхэн дэх дөрөв дэх үлгэрийн кино болсон гэдгээрээ онцлог. Мөн тус киноны 30 хувь нь визуал эффект, 15 хувь нь тусгай нүүр хувиргалттайгаар хийгдсэн байна. Мөн Өмнөговь болон Хөвсгөл аймаг зэрэг Монгол орны байгалийн түүх дурсгалт 16 обьектод зураг авалт хийснээрээ онцлог болжээ.

  Мөн тус тэдний “Хичээл дээр” дуу нь youtube хуудснаа 18 сая хүн үзсэн байх бөгөөд тэд хоёр дахь бие даасан 11 дуутай number 1 цомгоо өлгийдсөн зэрэг олон амжилтаараа 2021 оны ОНЫ ОНЦЛОХ ХҮҮХДҮҮД боллоо. Тэд ингээд нийтдээ 10 орчим бүрэн хэмжээний кино контентын гол дүр бүтээж, хоёр цомгийн 25 дуу, 20 орчим клиптэй уран бүтээлч хүүхдүүд юм.

 

 

 


ОНЫ ОНЦЛОХ ХҮҮХЭД: Хүсэл мөрөөдлөөр жигүүрлэсэн "ТОМ" хамтлаг
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188