Би аливаа уран бүтээлд олны танил болох гэж тоглодоггүй. Би мэргэжлээрээ ажиллаж байхдаа агуу тансаг таашаал мэдэрдэг.

Хүн бүртэй нэг түвшинд харилцахыг хичээдэг. Гэхдээ уран бүтээлчийнхээ хувьд хүмүүст муу үлгэр дуурайлал болчихгүй юм сан гэж хичээдэг.

"Хайр эргэсэн хавар" киноны Анкатай хөгжилтэй зангаараа ижил байх. Би өөрийгөө хөгжилтэй мөртлөө эмзэг, шартай, хүчтэй эмэгтэй гэж боддог.

Нөхөр маань жүжигчний тал дээр ч мөн анх удаа л ингэж ойроос харлаа. Тэгэхээр нөхрөөрөө их бахархаж, уран бүтээлчийнх нь хувьд их үнэлсэн.

Нэгэнт хоёул нэг уран бүтээлд орсон болохоор ард нь гарахаас өөр аргагүй. Хааяа хүүхдэдээ цаг гаргаж чадахгүй болохоор жаахан гунигтай байдаг.

 Сайн жүжигчин байх нь чухал уу, сайн хүн байх нь чухал уу гэдэг хариултыг л олохын төлөө явсаар ирсэн.

Би өөрийгөө их азтай гэж боддог. Учир нь, нэг тийм орох ёстой уран бүтээлдээ л ордог санагддаг.

Олон жил болоод ирэхээр харин туршлага гэх зүйл гарч ирдэг юм байна. Тэгэхээр туршлагадаа дулдуйдаад, анхны тэр нандин зүйл цөөрдөг юм шиг санагддаг.

Гайхалтай уран бүтээлч өвөөгийнхөө нэрийг муу хэлүүлэхгүйгээр авч явах хариуцлага надад бий.

Төв аймгийн театрт ажиллаж байхдаа “Өвөө энэ шалан дээр гишгэж, энэ хонгилоор алхаж явсан байх даа” гэж бодоход дотно санагддаг.

Өвөөгийнхөө тэр бүтээлүүдийг үзэх дуртай. Багад “Өвөө нь гарч байна” гэж аав, ээжийг хэлэхээр нь их дуртай үздэг байлаа.