Олон улсын эмэгтэйчүүдийн баярыг тохиолдуулан хайртай дотнын хүмүүстэйгээ хамт үзэхэд тохиромжтой үзвэрийн хуваарийг танилцуулж байна.

П.И.Чайковский “Хунт нуур” балетБалетын урлагийн ноён оргилуудын нэг болох П.И.Чайковский “Хунт нуур” бүжгэн жүжиг тоглогдоно. Энэхүү бүжгэн жүжиг нь Одетта гүнжийн гунигт хайр, хар шидтэн Ротбардын хорон санаа, Зигфрид ханхүүгийн үнэнч сэтгэлийн тухай өгүүлдэг.

Анх 1975 оны зургаадугаар сарын 28-ны өдөр УДБЭТ-ын тайзнаа тологдож байсан.

Хаана: Улсын Дуурь Бүжгийн Эрдмийн Театр

Хэзээ: 2025 оны гуравдугаар сарын 07-09-нд

Баярцэцэг “Diva” live концерт

Уянгалаг дуу хоолойтой дуучин Б.Баярцэцэг “DIVA” нэртэй бие даасан тоглолтоо хийх гэж байна. Өөрийн шилдэг уран бүтээлүүдээ тоглохоос гадна урилгаар ICE TOP хамтлаг, LIMIT KING, Анир поп оркестра, дуучин Наагий нар оролцоно.

Үүлэн чөлөөний нар шиг ховор учралд

Үйлийн үргүй цорын ганц амраг чинь байя

Хаана: Аса Арена

Хэзээ: 2025 оны гуравдугаар сарын 07-08-нд  19:00 цагт

Хайлаас модны доор чамайгаа хүлээнэ

Нобелийн шагналт Южин О’Нилийн “Хайлаас модны доор чамайгаа хүлээнэ” жүжиг 2025 оны гуравдугаар сарын 6-аас эхлэн тайзнаа тоглогдож эхэлсэн. Гуравдугаар сарын 07-08-нд өдөрт  хоёр удаа тоглолт хийнэ. Жүжигт хайр дурлал, шунал, хүсэл тэмүүлэл, гэр бүлийн харилцааны гүн утга агуулга шингэсэн. Анх 1996 онд “Тамын дурлал” нэрээр хүрч байсан энэ удаад шинэ өнгө төрх, орчин үеийн тайзы шийдэлтэйгээр дахин тавигдаж байна.

Хаана: Улсын Драмын Эрдмийн Театр

Хэзээ:2025 оны гуравдугаар сарын 06-14-нд

Хурд хамтлаг “Бүсгүй” тоглолт

Монголын рок хөгжмийн томоохон төлөөлөл, Төрийн соёрхолт “Хурд” хамтлаг “Бүсгүй” тоглолтоо зохион байгуулах гэж байна. Энэхүү тоглолт нь эмэгтэйчүүдэд зориулсан онцгой үдэш байх бөгөөд хурд хамтлагийн шилдэг хит дуунууд болон шинэ уран бүтээлүүд эгшиглэнэ.

Хаана: Дархан Арена

Хэзээ: 2025 оны гуравдугаар сарын 08-нд  19:30 цагаас

No Name Баагий “Хайртай” тоглолт

Монголын хөгжмийн ертөнцийн уран бүтээлч No Name Баагий буюу О.Батсайхан “Хайртай” тоглолтоо хийнэ. Энэхүү тоглолтод дурсамж сэдрээсэн хайрын дуунууд тоглогдоно. Урилгаар No Name хамтлаг, дуучин Улаанцэцэг, дуучин Далай нар оролцоно.

Хаана: Omni клуб

Хэзээ: 2025 оны гуравдугаар сарын 08-нд  21:00 цагаас

#BOOOM!!! EP3

Монголын хөгжмийн ертөнцөд шинэ өнгө төрх нэмж буй #BOOOM!!! Энтертайнмент шоу гурав дахь удаагийн тоглолтоо хийх гэж байна. Энэхүү шоу  тоглолт EP1, EP2 тоглолтуудын үргэлжлэл бөгөөд өмнөх тоглолтод оролцсон шилдэг уран бүтээлчид, тайзны онцгой шийдэл, өвөрмөц хөтөлбөрөөрөө онцлогтой билээ. Тоглолтод дуучин Эрка, Ginjin, Mrs.M, Vande, Roockie, OZ, 168, OG Bro, Babynna, DJ Gezeg нар оролцоно.

Хаана:Зайсан Хилл эвент танхим

Хэзээ: 2025 оны гуравдугаар сарын 08-нд 20:00 цагаас

"SAMSARA" Тэртээх хоёр зүрх драмын жүжиг

Мөрөөдлийн театрын 24 дэх тайзны уран бүтээл "Самсара" драмын жүжиг. Материаллаг ертөнц ба үхлийн дундах мөчлөг буюу "Самсара"-д очсон хүмүүс ямар орчин, нөхцөлд байдаг талаар харуулна. Тэдний энд яаж ирсэн, хэзээ явах нь үл ойлгогдох бөгөөд тэдний дунд үл ойлголцол, нөхөрлөл бүүр хайр дурлал ч байдаг гэдгийг харуулна . Тэдний төгсгөл юу байх бол? Дээшээ юу? Доошоо юу?

Хаана: Соёлын төв өргөө

Хэзээ:2025 оны гуравдугаар сарын 06-12-нд

“Бүсгүй танаа” тоглолт

Хөдөлмөрийн гавьяаны улаан тугийн одонт МҮЭСТО-оос санаачлан Олон улсын эмэгтэйчүүдийн эрхийг хамгаалах өдөрт зориулан "Бүсгүй танаа" хошин урлаг, дуучдын хамтарсан тоглолт болно. Тоглолтод “Маск” продакшн бүрэн бүрэлдэхүүнээрээ шилдэг номероо тоглоно. Мөн Ардын жүжигчин Ганзориг, МУГЖ харшийн Баасандорж, СТА Болд, Мөнгөнцэцэг, СТА Алтанжаргал, СТА Банзрагч, СТА Дашням, СТА Анхбаяр, Чанцалдулам, Дашчанрав, Оюунбат, СТА Баяндалай гитарчин дуучин Гантулга нар оролцоно.

Хаана: МҮЭСТО

Хэзээ:2025 оны гуравдугаар сарын 07-09-нд 14:00 цагаас

"ИЖИЙ ТАНДАА БАЯРЛАЛАА" баярын тоглолт

СТА дуучин Г.Даваадалай, СТА дуучин Ө.Бохьшарга нарын хамтарсан "Ижий тандаа баярлалаа" тоглолт 2025 оны 3 дугаар сарын 7-ны өдөр 14:00 цагт UB паласын концертын танхимд ганцхан удаа тоглоно.

"Ганган чиг" тоглолт

МУГЖ ардын дууч Д.Бурмаа уран бүтээлийн 15 дахь бие даасан тоглолтоо хийх гэж байна. “Ганган чиг” нэртэй тоглолтодоо онцлох дуунуудаа хүргэнэ.

Хаана: Тусгаар тогтнолын ордон

Хэзээ:2025 оны гуравдугаар сарын 07-08-нд 18:00 цагаас

Мартын 8-ны баярын тоглолт

Олон улсын эмэгтэйчүүдийн баярыг тохиолдуулан “Мартын 8-ны баярын тоглолт”болно. Тоглолтод МУГЖ Д.Отгонбаяр /Хурд хамтлаг/, МУГЖ Ө.Уянга, СТА Т.Дэлгэрмөрөн, СТА Д.Жавхаасайхан, Д.Үүрийнтуяа, СТА Б.Болдбаатар, СТА Б.Болд, Х.Мөнгөнцэцэг, СТА Г.Эрдэнэчимэг, СТА Б.Алтанжаргал, СТА Б.Батцэцэглэн, СТА Н.Ундрал, СТА Э.Дашням, Дуучин Г.Дашчанрав, Нюанс хамтлаг, Увертюра хамтлаг, Жонон хамтлаг, хөтлөгчөөр Ц.Чойжоо оролцоно.

Хаана: Бөхийн өргөө

Хэзээ: 2025 оны гуравдугаар сарын  07-нд 19:00 цагаас

"ЭНЭ ХҮҮХНҮҮД ҮҮ 2"

Домогт "Соёл эрдэнэ – Өргөө" хамтлагуудын нэгдэл МУГЖ Г.Жаргалсайхан \Том Жагаа\, МУГЖ С.Бархас, МУГЖ Ч.Насантогтох, МУУГЗ И.Болоож, МУУГЗ Г.Энхбаяр нарын зохиол бүтээлүүд, алтан үеийн хитүүд нэг дор эгшиглэнэ. Тоглолтод дуучин Агиймаа, Мишээл, Заяа\Андууд хамтлаг\ зэрэг уран бүтээлчид оролцоно.

Хаана:Улаанбаатар зочид буудал, их танхим

Хэзээ:2025 оны гуравдугаар сарын 07-нд 19:00 цагаас

“Миний ээж хөөрхөн”

“Миний ээж хөөрхөн” баярын тоглолт болно.  Энэхүү тоглолт нь Монголын ээжүүдийн үзэх дуртай баярын тоглолтын нэг бөгөөд энэ ч жил мөн онцгой уран бүтээлчид оролцож үзэгчдэд дурсамж дүүрэн үдшийг бэлэглэхээр төлөвлөжээ.

Хаана: Улаанбаатар палас

Хэзээ: 2025 оны гуравдугаар сарын 08-нд 14:00, 19:00 цагаас

"ҮРТЭЙ ХҮН ЖАРГАЛТАЙ"

Ардын болон Гавьяат жүжигчид, дуучдын нэгдсэн  эмэгтэйчүүдийн баярт зориулсан уламжлалт тоглолт 25 дахь жилдээ тоглоно. Тоглолтод МУАЖ С.Батсүх, МУАЖ Ш.Чимэдцэеэ, МУАЖ Д.Жаргалсайхан, МУГЖ Б.Сарантуяа, МУГЖ Ж.Уранчимэг, МУГЖ У.Далантай, С.Эрдэнэцэцэг, МУГЖ Ч.Бат-эрдэнэ, МУГЖ Д.Отгонжаргал, МУСТА Л.Банзрагч, СТА Г.Эрдэнэчимэг, СТА Б.Алтанжаргал, СТА Л.Сөрөлт, А.Түмэн-өлзий, СТА Л.Нарангэрэл, СТА Б.БОЛД, Х.МӨНГӨНЦЭЦЭГ нар оролцоно.

Хаана: Бөхийн өргөө

Хэзээ: 2025 оны гуравдугаар сарын 08-нд 14:009 19:00 цагаас

“Эрхэмсэг үдэш” VIP тоглолт

МУСТА, ОХУ-ын Буриад улсын гавьяат жүжигчин дуучин Б.Амархүү олон улсын эмэгтэйчүүдийн баярт зориулсан “Эрхэмсэг үдэш” тоглолтоо тоглуулна. Энэхүү тоглолт нь амьд хөгжим, онцгой уран бүтээлүүд, гэнтийн бэлгүүдээр дүүрэн байх болно.

Хаана: Golden Sun event hall

Хэзээ:2025 оны гуравдугаар сарын 08-нд 19:00 цагаас

NOSTALGIA VOL.2

Олон улсын эмэгтэйчүүдийн эрхийг хамгаалах өдөрт зориулсан тусгай хөтөлбөрт тоглолт. Тоглолтод: Анир поп оркестр, Инээмсэглэл хамтлаг, дуучин МУГЖ Ө.Уянга, дуучин Ч.Мишээл  нар оролцоно.

Хаана: Соёлын төв өргөө

Хэзээ: 2025 оны гуравдугаар сарын 09-нд 15:00 цагаас

Г.АЗЖАРГАЛ