Арванхоёрдугаар сарын 25 буюу зул сарын баярын өдөр тохиож байна. Энэ өдрийг Есүс Христийн мэндэлсэн өдөр гэж үзэн зул сарын баярыг тэмдэглэдэг болжээ. Эл өдөр гэр бүлээрээ цагийг өнгөрүүлж, гацуур модныхоо доор, бэлэг солилцдог уламжлалтай билээ. Зарим тохиолдолд бидний шинэ жилийн баяраар мэндчилгээ дэвшүүлэхдээ ашигладаг “Merry Christmas” гэх үг нь “Христ мэндэлсний баяр хүргэе” гэх утгатай аж. Ингээд зул сарын баяртай холбоотой сонирхолтой 25 баримтыг танд хүргэж байна.

1. Зул сарын баярын өдөр бие биедээ бэлэг өгөх уламжлалтай. Энэ уламжлал эртний Ромд хүүхдүүдэд бэлэг өгснөөр анх тогтжээ.

2. 1810 онд АНУ-д Санта Клаусын одоогийн дүрийг бүтээжээ. Санта Клаусын унаа болох бугыг Адман Роберт Мэй 1939 онд зохиожээ.

3."The Twelve Days of Christmas" гэх дуу нь Христийн мэндэлсний баяр ба Epiphany хоёрын хоорондох 12 хоногийг илэрхийлдэг.

4. Зарим тохиолдолд “Christmas” гэх үгийг  Xmas хэмээн товчилдог. Грек хэлээр X гэдэг нь Христийн нэрний эхний үсэг юм.

5.1931 он хүртэл Кока-Колагийн сурталчилгаанд Санта Клаусийг хүний хэмжээтэй мэт дүрслэх хүртэл түүнийг элф гэж дүрслэгдсэн байдаг.

6."Jingle Bells" дууг Жеймс Лорд Пиермонт 1857 онд сүмийнхээ Талархлын баярын концертод зориулан бичсэн.

7.2004 оны арванхоёрдугаар сард Их Британийн нийслэлд түүхэн дэх хамгийн том хэмжээтэй буюу 33 метр урт, 15 метр өргөн Зул сарын оймсыг бүтээжээ.

8.Зул сарын модыг чимэглэх уламжлалт өнгө бол ногоон, алтан шар, улаан.

9.Барилгын ажилчид 1931 онд Рокфеллерийн төвд анхны гоёл чимэглэлгүй жижиг модыг байрлуулжээ.

10."The Grinch" бол бүх цаг үеийн хамгийн их орлого олсон Зул сарын баярын кино юм.

11.Таяган чихэр нь 1670 оноос эхтэй.

12.Гацуур мод нь Христийн мод бөгөөд мөнх ногоон мод нь сэргэн мандахын бэлэг тэмдэг. Хиймэл гацуурыг анх германчууд бүтээжээ. Эхэндээ гацуурыг галууны өдөөр хийдэг байв.

13.Гиннесийн номд бичигдсэн хамгийн өндөр гацуур 66 метр байжээ. Түүнийг Сиэттл хотод 1650 онд байрлуулж байсан гэнэ. Зул сарын модыг АНУ-д 1850 оноос хойш худалдаж эхэлжээ.

14.Япон Улсад зул сарын баяраар KFC иддэг уламжлалтай.

15. Сантад сүү, жигнэмэг үлдээх нь Голланд хүүхдүүд Гэгээн Николасын өдөр түүнд хоол, уух зүйл орхидгоос үүсжээ. Мөн Сантагийн буганд лууван үлдээдэг уламжлал Норсын домогт гардаг Один бурхны найман хөлтэй моринд өвс орхидгоос үүдэлтэй аж.

16. Улаан хамарт Рудольф бугыг Монтгомери Вард дэлгүүр хүүхдүүдэд Зул сарын буддаг ном зарахын тулд анх санаачилжээ.

17. Хэдийгээр цагаан гаатай байшингууд 1600-аад оноос эхтэй боловч 1812 онд Хансель, Гретел хоёрын түүх хэвлэгдэн гарсны дараа энэ зул сарын баяраар чихрэн байшин хийх уламжлал өргөн тархсан аж.

18. Алабама нь 1836 онд зул сарын баярыг орон даяар албан ёсоор хүлээн зөвшөөрсөн АНУ-ын анхны муж болжээ.

19. Финландад Христийн Мэндэлсний Баярын үеэр саун руу явдаг заншилтай.

20. Bing Crosby-ийн сонгодог дуу "White Christmas" нь Зул сарын баярын дуу төдийгүй бүх цаг үеийн хамгийн их борлуулалттай сингл юм.

21. Санта Клаус өөрийн Канадын шуудангийн кодтой.

22. Германд энэ баярын өмнөхөн хотуудын төв талбай дээр Зул сарын баярын зах гардаг уламжлалтай. Зах дээр цугларсан хүмүүс янз бүрийн амттан худалдаж авахаас гадна халуун дарс буюу глювайн заавал ууна.

23. Дэлхийн I дайны үед буюу 1914 оны 12 сарын 24-ны Зул сарын баярын үдэш хоорондоо дайтаж байсан Англи Германы 100 000 орчим цэрэг түр эвлэрч хамтран Зул сарын баярыг тэмдэглэж байжээ.

24. Сүлд модыг анх 1895 онд Америкт цахилгаан гэрлээр чимэглэжээ.

25. Зул сарын баярын үеэр дэлхий дахинд хамгийн олон тоглогддог бүжгэн жүжиг бол “Цөмөөхэй”.