Хэнтий аймгийн Баян-Овоо сумын нутаг Сүмбэр баг дахь Гүрмийн нууранд нэг иргэн живж амиа алджээ. Тодруулбал, тус нуурын эрэгт есөн хүн аялж байснаас нэг хүн нь машины дугуйны хаймар хийлж нуурын усанд сэлж байгаад живсэн байна.

     Энэ тухай мэдээлэл тухайн аймаг, сумын Онцгой комисст энэ сарын 7-ны 15:30 цагт ирсэн байна. Хэнтий аймгийн Онцгой байдлын газар, Баян-Овоо сумын цагдаагийн албан хаагчид тус сумын иргэн Б, 40 настай эрэгтэйг эрэн хайх ажиллагааг өчигдөр  эхлүүлсэн боловч бороо их хэмжээгээр орсны улмаас тухайн өдрийн 18:30 цагт эрлийн ажиллагааг түр зогсоожээ. Харин  өнөө өглөөний 5:30 цагт эрлийг дахин үргэлжлүүлсэн байна.