Томуугийн өвчлөлийн нөхцөл байдлын талаар Эрүүл мэндийн яамнаас мэдээлэл өглөө.

         Энэ үеэр Эрүүл мэндийн яамны Эмнэлгийн тусламж үйлчилгээний газрын хэлтсийн дарга М.Оюунчимэг  “ЭМЯ-наас энэ жил томуу, томуу төст өвчний нөхцөл байдлыг үндэслэн шаардлагатай хариу арга хэмжээний багуудыг байгуулж, ажиллаж байна. Энэ хүрээнд өдөр бүр эрүүл мэндийн байгууллагуудын орны тоо болон эрчимт эмчилгээ хийлгэж буй хүүхдийн тоо мэдээлэлд дүн шинжилгээ хийж байгаа. Нийслэлийн хэмжээнд 15 эрүүл мэндийн байгууллага 2126 хүүхдийн хэвтэн эмчлүүлэх орыг дэлгэсэн. Өнөөдрийн байдлаар 2335 хүүхэд томуу, томуу төст өвчний шалтгаанаар хэвтэн эмчлүүлж байна. Мөн эрчимт эмчилгээний тасагт 70 хүүхэд эмчлүүлж байгаа. Яаралтай тусламжийн тасгаар үйлчлүүлж буй хүүхдийн 20-30 хувь хэвтэн эмчлүүлж байна. Үлдсэн хувь нь зөвлөгөө мэдээлэл авч, анхан шатны эмнэлгийн хяналтад гэрээр эмчилгээ хийлгэж байна” гэлээ.