• Өнөөдөр 2026-10-26

С.Амарсайханыг огцруулах чиглэлийг У.Хүрэлсүх Л.Оюун-Эрдэнэд өгсөн үү

2021-04-02,   3161

         Өглөө сэрмэгцээ сошиал сүлжээ, цахим ертөнц рүү “шагайв”. Өчигдөрхөн л “Эхнэрийнхээ ээж, аавыг энгийн иргэдээс дээгүүрт тавьсан Шадар сайд С.Амарсайхан огцор” гэх давлагаа нийгэм даяар өрнөж байсан атал өнөөдөр нам гүм болжээ. Шадар сайд С.Амарсайхан, түүний эхнэр Ч.Ичинхорлоо нарын өчигдөр оройн “Аав, ээж минь өндөр настай, хүнд өвчтэй, хүний асаргаанд байдаг. Арга буюу ХӨСҮТ-д өөрийн биеэр хүргэж өгөөд гарсан болохоос биш албан тушаалаа ашиглаагүй. Ойлгож уучлаач” гэсэн тайлбар, мэдэгдлийг нь ард түмэн хүлээгээд авчихсан гэмээр. Угаас өрөвч, өр зөөлөн, өрөөлийн зовлонг өөрийн мэт хүлээж авдаг элгэмсүү монгол зан Шадар сайд С.Амарсайханы эхнэрийн “Улаан бүсээр зорчсон” асуудлыг уучилж, уур бухимдлаа ор мөргүй далд хийчихжээ. Ингэхдээ “Шадар сайдын эхнэр хөөрхий аавыгаа эмчид өөрийн биеэр хүргэж өгсөн юм байна. ХӨСҮТ-д хоёрхон цаг болоод л гарсан гэнэ. Эвий минь хурдан л эдгээсэй” гэж өрөвдөх маягтай болчихож. 
 
Миний аав, ээжээс, ах, эгчээс, хүү, охиноос ялгаа юу байх вэ, гэж бодно. Өрөвдөнө, уучилна, тэгээд мартана. Манай ард түмний хамгийн том сул тал энэ. Энэ сул талаараа улстөрчиддөө дандаа “ашиглуулна”.
 
Яах вэ, хүнд өвчтэй, 80 хол гарсан аавыгаа эмчлүүлэх гэж ХӨСҮТ рүү орсныг нь ойлгож болох. Гэхдээ аавыгаа хүргэж өгчхөөд “Улаан бүс”-ээс буцаад гарсныг нь ойлгож, уучилж болмооргүй. 
 
Яагаад ингэж хатуу шаардаж, хариуцлага нэхэх ёстой юм бэ, гэж үү. Яагаад гэвэл Шадар сайдын эхнэр “Улаан бүс рүү ороод гарсан” асуудлыг хүнд өвчтэй ааваар нь шалтаглаж, зүгээр л уучилчихвал, мартчихвал өнгөрсөн хугацаанд цар тахлын хатуу дүрэм журам, хүнлэг бус шийдвэрүүдээс болж амиа алдсан хөөрхий талийгаач нарын үхэл үнэ цэнгүй болох гээд, гомдолтой санагдаад байна. 

Шадар сайдын эхнэрийн асуудал дэгдмэгц ХӨСҮТ-ийн захирал Л.Баттөр хүртэл “Шадар сайдын эхнэр ХӨСҮТ-д нэвтрээд хоёр цаг болоод гарсан. Хүнд өвчтэй иргэдийн ар гэр хүсэлт гаргаад, ХӨСҮТ-ийн улаан бүс рүү хамт нэвтэрч болно” гэх мэдэгдэл хийв. Өнөө “Халдвартай бүсэд 15 минут болоход л халдвар авна”  гэж ард түмнийг айлгаад байсан биш бил үү.  Тийм ч учраас ХӨСҮТ-ийг “Улаан бүс” гэж зарлаад, хаалга үүдийг нь буутай цэргүүдээр мануулахаас наахнуур байсан биш юм уу. Ард түмнээр яагаад ингэж тоглож байгаа юм бэ. Хүсэлт гаргаад л “Улаан бүс” рүү нэвтэрч болох байсан юм бол хорт хавдрын хагалгаанд хэд дахин орж, авралгүй гэдгээ мэдсэн эмэгтэйн амьсгал хураахаасаа өмнө охинтойгоо уулзах гэсэн сүүлчийн хүсэлтийг нь яагаад биелүүлж өгөөгүй юм. Хөөрхий ээжтэйгээ сүүлчийн удаа уулзах гэсэн охин бяцхан биеээ бүтэн скочдоод, хоёр, гурван давхар амны хаалт зүүгээд ХӨСҮТ-ийн үүдэнд очоод гуйсан нүдээр бүлтийтлээ хараад зогсож байхад нь яагаад оруулаагүй юм. “Ийшээ орвол шууд халдвар авна” гээд буцааж байсан биш бил үү. 

 
Бас элэгний хорт хадвартайгаа тэмцэлдэж, ганц охинтойгоо л уулзах гэж шүд зуун тэвчиж байсан аавыг тусгаарлах байранд “хоригдож” байсан охинтой нь яагаад уулзуулаагүй юм. Аавтайгаа л уулзах гэж тусгай үүргийн нислэгээр эх орондоо ирсэн эмэгтэй энэ хүслээ биелүүлж чадахгүй, тусгаарлах байранд 21 хоног тарчилж байх зуур нь аав нь бурхны оронд одсныг санаж байна уу. Долоон удаагийн шинжилгээгээр халдваргүй гэдэг нь батлагдчихаад байхад яагаад ганцхан удаа аавтай нь уулзуулаагүй юм бэ. 

       Архангай аймгаас улсын эмнэлэг бараадаж ирсэн эмэгтэйг шинжилгээний хариугүй гэж нийслэл рүү нэвтрүүлэхгүй 22-н товчооны гадна хонуулаад, маргааш нь цогцсыг нь нутаг руу нь буцаасныг санаж байна уу. Халдварын тоо 1000 давж байхад хүнд өвчтэй, ядруухан эмэгтэйгээс алга дарам цаас нэхсээр байгаад аминд нь хүрчихсэн хэрнээ одоо халдварын тоо 8000 давчихсан байхад Шадар сайдын эхнэр ХӨСҮТ рүү орж, гарсан нь шударга явдал юм уу. 

         Бас Сэлэнгэ аймгийн Баянгол сумаас 10 настай охиноо эмчлүүлэх гэж ЭХЭМҮТ-ийг зорьж ирсэн залуухан гэр бүлээс шинжилгээний гэх алга дарам цаас нэхэж, нийслэл рүү нэвтрүүлэхгүй гурав, дөрвөн цаг машин дотор нь тарчлаасан асуудлыг санаж байна уу. Удтал хүлээлгэж байж сая нэг нийслэл рүү нэвтрүүлмэгцээ өвчтэй охиныг ээжээс нь салгаад ганцааранг нь ЭХЭМҮТ-д хэвтүүлсэн. Ингэхдээ халдвартай эсэх шинжилгээ авах гэж 24 цаг хүлээлгэсэн. Хөөрхий ээж нь охиныхоо биеийн байдал ямар байгааг ч мэдэхгүй, дэмий л эмч залгахыг хүлээн утсаа чагнаж суусан. "Охинтой нь хамт байлгадаггүй юм гэхэд ядаж “энэ ганцхан ундааг охинд минь өгөөч, тэр минь надаас ундаа уумаар байна гэж гуйсан юм” гэхэд нь хүртэл хүлээж аваагүй. Ингээд 10-хан настай охин дахиж ээжтэйгээ, ихэрлэж төрсөн эгчтэйгээ, алган дээрээ бөмбөрүүлсэн аавтайгаа уулзах бүү хэл ундаагаа ч ууж чадалгүй үүрд явчихсан.
 

Энэ мэтээр энгийн иргэд ХӨСҮТ рүү байтугай, нийслэл рүү нэвтэрч чадахгүй байсаар амьсгал хураасан гунигт түүхүүд, “Улаан бүс”-д тусгаарлагдаад гэр бүлийнхэнтэйгээ ч уулзаж чадахгүй байсаар нас барсан эмгэнэл тохиолдлууд ганц, нэгхэн биш шүү дээ. Гэтэл одоо Шадар сайдын эхнэр ХӨСҮТ рүү ороод гарсан асуудлыг хууль дүрмийн дагуу гэж харагдуулах гээд “Хүсэлт гаргаад л халдварын улаан бүс ХӨСҮТ рүү нэвтэрч болно” гэж яриад сууж байдаг нь зүй ёсны, шударга ёс мөн юм уу. Яагаад цар тахлын хатуу дэглэм, дүрэм журмаас болж амиа алдсан энэ олон хүний амийг үнэгүйдүүлж байгаа юм бэ. 

Ийм байхад “Шадар сайдын хадам аав нь хөөрхий хүнд өвчтэй гэнэ лээ” гээд уучилж болох юм уу, уучлаад хариуцлага нэхэхгүй өнгөрч болох асуудал мөн юм уу. 

 
         Углааш, халаадтай эмэгтэйг “өрөвдсөн” нэр зүүж танхимаараа огцорсон эрх баригч намын дарга У.Хүрэлсүх энэ асуудал эрчээ авч, намыг нь, засгийг нь муухай харагдуулаад эхэлвэл С.Амарсайхнаа огцруулах талаар Ерөнхий сайд Л.Оюун-Эрдэнэд чиглэл өгөхөөр зэхэж байгаа гэх мэдээлэл бий. Өөрөөр хэлбэл, Ерөнхийлөгчийн сонгууль хаяанд ирчихсэн байгаа энэ үед эрх баригч МАН нэр хүндээ сэвтээхгүйн тулд юу ч хийхэд бэлэн байгаа. 100 жилийн ой дээр Ерөнхийлөгчтэй болох нь тэдний хамгийн ойрын, хамгийн том зорилго болоод байгаа учраас энэ зорилгод нь саад болж болзошгүй С.Амарсайханыг огцруулах нь тэдэнд хамгийн зөв шийдэл ч байж болох. Ямартай ч эхнэрээ энгийн иргэнээс илүүд тавьсан С.Амарсайханаа МАН хэрхэхийг харах л үлдэж байна. 
 

С.Амарсайханыг огцруулах чиглэлийг У.Хүрэлсүх Л.Оюун-Эрдэнэд өгсөн үү
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 10
  • Сэтгэгдэл үлдээсэн: 2021-04-06 14:04:52
    Зочин: Байрыг нь голоод хүнд өвчтөй ээж ааваасаа зугтаадаг ямар тэнэг юм бэ ямарч үед ямарч хүнд нөхцөлд хажууд нь сахих ёстой биздээ ээж ааваасаа уучлалт гуй бид яахв ойлгож байна
  • Сэтгэгдэл үлдээсэн: 2021-04-05 22:45:50
    Шударга бай: Амарсайхан ажлаа өг хариуцлагаа үүрэх ёстой
  • Сэтгэгдэл үлдээсэн: 2021-04-04 19:41:46
    Zochin: Haldvartiin darga gej hudlaa daldgar yumiig zailuul hun burt huuli tegsh uilchleh heregtei darga nar geheer huluu huglah gej guisen haldvartiin darga batsaaniig hurdan zailuul
  • Сэтгэгдэл үлдээсэн: 2021-04-03 14:00:15
    Зочин: Яахнав дээ Амарсайхныг. Хүн юм болсон хойно нэг удаа уучлаач. Ичинхорлоо муу хог уйлан дуулж байгаад нөхрийнхөө араас Түгжилдлээ.
  • Сэтгэгдэл үлдээсэн: 2021-04-03 00:35:00
    Zochin: Хүн бүр хуулиа мөрддөг байсан бол хэн ч хэнийг ч улаан бүс рүү оруулахгүй. Хэн ч орий гэж хэлэхгүй, хэн ч хэн нэгнийг оруул гэж хэлэхгүй, орий, оруул гэж хэлсэн ч тэд нарыг оруулахгүй, за ордог юмаа гэхэд тэндээ эцсээ хүртэл аав, ээжтэйгээ цуг байж байгаад шинжилгээгээ өгөөл гарах юмуу, өгөөд гар гэж шаардах ёстой байсан. Монголд хууль тогтоомжийн хэрэгжилт, хяналт, хариуцлагын тогтолцоо бий болохгүй бол энэ заваан юм хэзээ ч дуусаргүй.
  • Сэтгэгдэл үлдээсэн: 2021-04-03 00:29:48
    Zochin: Хууль хүн болгонд тэгш үйлчилдэг, хүн болгон хууль дүрэм журмаа мөрддөг ухамсартай бол иймэрхүү асуудал үүсэхгүй. Хууль үйлчидэг, хуулиа мөрддөг бол улаан бүс рүү хэн ч орохгүй
  • Сэтгэгдэл үлдээсэн: 2021-04-02 23:21:31
    Эмээ: Аммарсайхан овоо ажил ньььь гарт ньььь орж зангидагдаж эхэлж байсан. Тамын тогоны үүхэн монголчууд нь ажил хйсэн хүнийг мэрдгээрээ мэрчхлээ. Нөөхөр нь гэрийн бараа харахгүй бидний төлөө ажиллаад эхнэр нь өндөр настай , хүнд өвчтэй ааваа эмнэлэгт эмчид хүлэнлллгэж өгөөд халдварын голомтондоо тусгаарлагдаж. Одоо бүр эхнэр хүүхдийн бухимдлаас үүүссэн зөрчлөөр аажлаас нь өөрчлөөд байвал....бурхан л энэ албан тушаалд тэнцэх байх.Эсвэл чөтгөр. Хүн. л лавв тэсэхгүй..Ажил хийсэн хүнийг мэрдэг хүмүүст коронна анииа яг тохирно. Бурруутай юм бол иЭхнэ нь иргэний үүргээ биелүүлээдтторгууллж шийтгүүлнэ биз манай улсын хуулинд гэр бүлийн хүнийхээ оронд нөгөө нь шийтгүүлддэг заалт ороогүй л байлтай.улсаад хохирол учруулаагүй, ггэмт хэрэг хийгээгүй. Ааааавынхаа аамь наасны төлөө явсан эхнэрийг тогохооос.
  • Сэтгэгдэл үлдээсэн: 2021-04-02 19:31:22
    Иргэдээс: ТВ хөтлөгч Ичинхорлоогийн хэрэг хүрээнээсээ халиад бүүр МАН-н дарга уруугаа чиглээд халуурч эхэллээ.Улс төр ч ийм заваан хогийн сав гэлтэй.Нам тойрсон пялдагууд одоо хувцасаа тарчихжээ.
  • Сэтгэгдэл үлдээсэн: 2021-04-02 16:45:37
    Зочин: Үнэнийг л бичсэн бна Дээр дурдсан амь насаа алдсан хүмүүсийн ар гэрийнхэнд ямар санагдаж байгааг бодоход ч бэрх бна
  • Сэтгэгдэл үлдээсэн: 2021-04-02 15:13:34
    хүннү: Энэ асуудал чинь С. Амарсайхандаа биш ээ. Манайханы нөгөө л арчаагүй пялдага зангийн илрэл шүү дээ. Хаана ч ямар ч байгууллагад орход яг л энэ зан л байдаг. Бид энэ арчаагүй зангаасаа салаагүй байж энэ шадар сайдыг огцруулаад ч нэмэргүй. Магадгүй үүний ард Сумьяабазар байхыг үгүйсгэхгүй шүү? Би тэгэж хардаж байна. Тэрээр Амарсайхан хоёр олны нүдэн дээр илт таарамжгүй байдаг. УОК-ын шийдвэр, ЗГ-ын шийдвэр бүгд Сумьябазарынхаар болоод байна. Манай ерөнхий сайд өөрийнхөөрөө ярьж Сумьягийн шийдвэрийг гаргадаг юм биш үү. Хүрэлсүх, Оюун-Эрдэнэ хоёр түүнээс ухаан алдана. Мөдхөн Сумьябазар МАН-ны дарга болно, яагаад болохгүй гэж?
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2026 © Зохиогчийн эрх хуулиар хамгаалагдсан. Мэдээлэл хуулбарлах хориотой.