Б.Хурцын гарт хэнийг аврах ХӨЗӨР байгаа вэ

Б. Цогтбаяр:
Улс төр- Цадиггүй улс төр

2020-12-04, 2425

-Б.ХУРЦ ЕРӨНХИЙЛӨГЧ Х.БАТТУЛГАТАЙ ХУВИАРАА ЯМАР НЭГ ТОХИРОО ХИЙВ ҮҮ, ЭСВЭЛ Б.ХУРЦЫГ СУЛЛАХ ГЭЖ ТҮҮНИЙ САЙН АХ Ц.ЭЛБЭГДОРЖ Х.БАТТУЛГАТАЙ ГАР БАРЬСАН УУ-

Сүр дуулиантайгаар шоронд орсон Хошууч генерал Б.Хурц нөхдийн хамт батлан даалтаар “чимээгүйхэн” гарч ирээд 11 хонолоо. Корона гээд юун Б.Хурцыг тоох манатай. Хэзээ гарвал олон нийт “олон юм” ярихгүй байх вэ гэдгийг хашир тагнуулч тооцоолсон л байлгүй. Эсвэл Германы шоронд 10 сар суугаад “чимээгүйхэн” суллагдаж байсан Б.Хурц Монголын урьдчилан хорих ангид хэдхэн сар суугаад “чимээгүйхэн” суллагдсан нь гайхаад байх зүйл биш ч юм шиг.

Өнгөрсөн долдугаар сарын 22-нд Б.Хурцыг гурван жилээр яллаж байхад учир мэдэх зарим нь “Удахгүй гарч ирнэ” гэцгээж байсан. Таамаг зөрсөнгүй. Тэр өнгөрсөн аравдугаар сарын 23-нд хэргээ анхан шат руу буцаалгуулаад, яг сарын дараа л суллагдаад гараад ирлээ. Энэ удаад түүнийг буцаж орохгүй гэцгээж байна. Магадгүй, энэ таамаг ч зөрөхгүй байх. Ардын хувьсгалын 100 жилийн ойгоор 100 хүнийг өршөөх яриа Саарал ордонд гарч байгаа тухай “бор шувуу” худлаа жиргээгүй бол Б.Хурц албан ёсоор ялгүй болно гэх.

Харин хэн Хошууч генерал Б.Хурцыг нарснаас наранд гаргаж, ялаас мултлах гээд байна вэ гэх асуулт олны дунд байна. Мэдээж хамгийн эхэнд шүүх засаглалыг “атгаж” байгаагаараа Ерөнхийлөгч Х.Баттулга нэр холбогдоно. Гэхдээ хоёр хувилбар бий. Эхнийх нь Б.Хурц Ерөнхийлөгч Х.Баттулгатай хувиараа ямар нэг тохироо хийв үү. Дараагийнх нь Б.Хурцыг суллах гэж түүний сайн ах Ц.Элбэгдорж Х.Баттулгатай гар барьсан уу.

Эхний хувилбар дээр бодоод үзье. Б.Хурц ТЕГ-т тагнуулчаар хоёр жил, газрын даргаар нэг жил, даргаар нь гурван жил ажилласан. Мөн Үндэсний аюулгүй байдлын зөвлөлийн Ажлын албаны даргаар хоёр жил, АТГ-ын дэд даргаар гурван жил ажилласан намтартай. Үндсэндээ 11 жил Монголын бүхий л нууц, төрийн томчуудын “но”-той холбоотой “хаалттай” хэргүүд дээр ажиллаж, тэрнийхээ хүчээр хүн бүрийг айлгадаг “хурц хутга” болсон гэдэг. Хэн хэнийг алсан, хаана, хэнтэй, ямар луйвар хийсэн гээд бүх хүний нууцыг мэддэг болчихоор Төрийн ордонд “Цааш нь ярих уу, байх уу” гэж даналзах нь аргагүй юм. Ерөөс Б.Хурц гэгч хүний гол зэвсэг нь “нууц мэдээлэл” л юм.

Энэ утгаараа “хурц хутга” байсан Б.Хурц одоо “баас хусдаг мохоо хутга” болчихоогүй л бол түүнийг дэргэдээ байлгах нь ашигтай. Өөрөөр хэлбэл, Х.Баттулга асар их “нууц” мэдээлэлтэй Б.Хурцыг дэргэдээ байлгавал өрсөлдөгч нараа “хүйс тэмтрэх” тэсрэх бөмбөгний удирдлагыг атгаж байна л гэсэн үг. Ялангуяа Ерөнхийлөгчийн сонгууль хаяанд ирсэн үед.

Харин гурван жилийн ялтай ямар нууц мэдээлэл үнэ дүйх юм бол. Эсвэл Х.Баттулгын тухай Б.Хурцын л мэдэж байгаа “но” байгаа юм болов уу.

Түүнчлэн Ерөнхийлөгч Х.Баттулгын зөвлөх буюу УИХ-ын гишүүн асан Л.Болд ХБНГУ-д суух Элчин сайдаар томилогдох гэж байгаа. Б.Хурц Л.Болдод хандаж “Танаас болж хоёр хүн цаазлуулсан шүү, Цааш нь ярих уу яах уу” хэмээн шазуур зууж байсан удаатай. Уралцдаг хоёр нохойг нэр дор “тэжээх” аюултай учраас Х.Баттулга Л.Болдыгоо Германд Элчингээр суулгаад, Б.Хурцыг шоронгоос гаргаж, дэргэдээ авах гэж байж ч болох.

Харин хоёр дахь хувилбарын тухайд бас л байж болох хувилбар. Аюулгүй байдал, тагнуул судлалын чиглэлээр ажилладаг судлаач Ж.Батболд “Б.Хурц нөхцөл байдлыг мэдэрч, түүнийг өөрт ашигтай байдлаар удирдаж, давуу байдлаа удаан хугацаанд хадгалж чаддаг. Муу хөзрөөр ч ухаалаг сайн тоглогч байж чаддаг тагнуулч. Нийтэч, нээлттэй зан чанартай. Багаар хамтран ажиллах чадвар сайтай. Бусдыг сонсож, үзэл бодлыг нь “уншиж” чаддаг. Нөхөрлөлдөө үнэнч, бусдын итгэлийг даах чадвартай. Өрсөлдөгч болон дайсагнагч харилцаатай хүмүүсийнхээ сул тал дээр чадварлаг тоглож, өөрт хэрэгтэй мэдээллийг цуглуулж, ашиглаж чаддаг. Хэзээ ч буруугаа хүлээдэггүй” гэж тодорхойлсон байдаг.

Ер нь бол Б.Хурцад хамгийн тохирсон тодорхойлолт нь энэ. Жишээ нь, 2011 онд тухайн үедээ Үндэсний аюулгүй байдлын зөвлөлийн Ажлын албаны дарга байсан Б.Хурц Германд хоригдож байхад Ерөнхийлөгч Ц.Элбэгдорж биечлэн очиж хэргээс мулталж байсан. Тэд 2011 оны есдүгээр сарын 27-нд Сөүл-Улаанбаатар чиглэлийн онгоцоор хамт ирж байсныг олон нийт мартаагүй байгаа. Дагуулж ирмэгцээ АТГ-ын дэд дарга болгож, дараа нь ТЕГ-ын даргаар томилсон. Б.Хурц дээрх тодорхойлолтод багтсан “Нөхөрлөлдөө үнэнч” зангаараа Ц.Элбэгдоржид хангалттай хариу барьж ирсэн. “Эрдэнэт” үйлдвэрийн 49 хувийг Худалдаа хөгжлийн банканд үлдээх асуудал дээр л гэхэд Б.Хурц шиг идэвхийлэн оролцсон хүн байгаагүй гэх юм билээ.

Ингээд харвал “Нөхөрлөлдөө үнэнч” Б.Хурц сайн ах Ц.Элбэгдоржоосоо урьтаж Х.Баттулгатай тохироо хийсэн байх боломжгүй ч юм шиг. Тэгээд ч нөлөөлөл нь эрс багасаж байгаа Ц.Элбэгдорж Б.Хурц гэдэг шар тосыг хэлээрээ түлхэх нь юу л бол. Харин тэрний оронд нэг намын хүрээллээрээ Х.Баттулгатай гар бариад Б.Хурцыг дундаа “ашиглах” хэн хэндээ ашигтай гэдэг тохироо явж байж ч болох.

Ямартай ч Б.Хурц гараад ирлээ. Түүний хэргийн шүүх хурал дахин товлогдох хүртэл хэдий хугацаа орохыг мэдэх аргагүй. Тэр хүртэл Б.Хурц ямар зорилготой гарч ирсэн нь ил, далдаар мэдэгдэх л байх.

Сонирхуулахад, Б.Хурцтай мөнхийн өстөн мэт аашилж, түүгээр “попрол”-ын амь зуулгаа хэсэг залгуулсан Ж.Батзандан Австрали Улсад Элчин зөвлөхөөр томилогдох гэж буй. Б.Хурцыг Т.Чимгээ, Б.Содномдаржаа нарыг эрүүдэн шүүсэн хэмээн буруутгаж, ялд унагаах ажлыг гардан хийсэн хүн нь Ж.Батзандан. Тэр ч утгаараа Б.Хурцыг гарч ирсэнтэй холбогдуулж ганц байтугай мэдэгдэл хийх ёстой хүн нь Ж.Батзандан байв. Гэвч “Буцах бэрд үнээ тугал нийлэх хамаагүй” гэдэг шиг чимээгүй байсаар явах нь бололтой. Аль эсвэл Б.Хурцыг ялаас мултлах “тохироо” аль эрт хийгдээд Ж.Батзанданг элчин зөвлөхөөр гадаадад илгээж байж ч болох. Ж.Батзандан Монголд байгаа хэрнээ Б.Хурцын эсрэг хэрүүл тэмцэл хийхгүй байгаад байвал олон нийтэд хар төрнө биз дээ. Харин гадаадад байвал хэн ч анзаарахгүй.

Б.Хурцын гарт хэнийг аврах ХӨЗӨР байгаа вэ

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 8

Сэтгэгдэл үлдээсэн: 2020-12-05 14:57:53

Ард: Чоно борооноор төр засгийн луйварчид кораногоор далимдуулж байна даа ард түмэн тэнэг биш шүү
Сэтгэгдэл үлдээсэн: 2020-12-04 20:31:54

т: Хурц хэн вэ гэдгийг монголчууд мэднэ хилс хэрэгт хүмүүсийг тарчлаасан хүнд монгол улс хууль дүрэм байдгийг ойлгуул
Сэтгэгдэл үлдээсэн: 2020-12-04 20:21:49

т: шударга хүн байвал одоо л наадуулаа дар
Сэтгэгдэл үлдээсэн: 2020-12-04 17:46:18

Zochin: ********ni tagnuulch xogiin xulgaich ******** iim xogiin no shnuudiig shiitgej chadaxgui boloxoor yamar yumniix ni shudraga tor niigem adilxan alaltsaj xulgai xiix xeregtei
Сэтгэгдэл үлдээсэн: 2020-12-04 14:25:10

Зочин: Алуурчныг харсан ганцхан хун С .Зориг еерее гэдгийг сайн мэдэж байгаа ганцхан хун Ц.Элбэгдорж еерее !! Монголчууд ,монголын тер засаг энэ хогийн амьтанд ингэтлээ басамжлуулж доромжлуулж болж байгаа юм уу ? Негее юунаас ч айдгуй шудрага гарууд хаана бна ?
Сэтгэгдэл үлдээсэн: 2020-12-04 14:14:28

зочин: наад чинь мэргэжлийн тагнуулч бишээ .тагнуулд шургуулсан хулгайч ! еерее еерийгее аварч чадахгуй бгаа хунд ямар балуушных нь бусдыг аврах хезер бх юм .ял нь улам хундрэнэ !негее захиалагчид ,аллагын хамжигч юм уу ,гэрч хохирогч нь ч юмуу ,юу нь ч мэдэгдэх ээ байсан булган гэгч бузар авгай хаана бна ?алуурчид гээд бга 3 нэг нь яагаад хамаг мэдуулгээсээ буцав ? Ийм хэргийг тэнэг алуурчин дуракийн угээр илруулдэггуй юм !Женко энэ хэргийг завааруулахад оролцогуй л юм бол бусдын балгиййг уурч нэрээ баасдах Ямар хэрэг бна ?
Сэтгэгдэл үлдээсэн: 2020-12-04 12:53:12

Иргэн: Хэрэгтэй хүн юм бишүү .байцаагаад юу ч олж мэдэхгүй гэдэг сургууль бдг бол мэргэжлийн хүн бна.
Сэтгэгдэл үлдээсэн: 2020-12-04 10:52:53

Иргэн: Бузар хүүрнүүд

Шинэ мэдээ

Нийтлэлчид