• Өнөөдөр 2024-05-07

УГТЭ-т коронавирусийн эмчилгээнд ECMO аппарат ашиглах боломжтой боллоо

2021-05-27,   362

Улсын гуравдугаар төв эмнэлэг дөрөвдүгээр сарын 13-ны өдрөөс коронавируст халдварын хүнд зэрэглэлийн эрчимт эмчилгээний 20 ор, зайлшгүй эмнэлгийн нөхцөлд тусгаарлах шаардлагатай хүндэвтэр зэрэглэлийн эмчлүүлэгчийн 80 орыг дэлгэн үйлчилгээ үзүүлж эхэлсэн. Тус эмнэлэгт Дэлхийн банкны санхүүжилтээр Maquet Getinge брэндийн Cardiohelp маркийн уушги орлуулах аппаратыг дагалдах хэрэгслийн хамт энэ сарын 25-нд ЭМЯ-наас хүлээн авч, ашиглахад бэлэн болжээ. Тодруулбал, коронавируст халдварын шалтгаантай уушгины хатгалгаа, түүний хүндрэл болох эдгэрэлт удаантай хүнд хэлбэрийн амьсгалын замын дутагдлын үед механик агааржуулалттай эмчилгээ шаарддаг. Ийм тохиолдолд эмчилгээний хамгийн сүүлийн арга хэрэгсэл болох ECMO технологийг ийнхүү тус эмнэлэг эмнэлзүйн тусламж үйлчилгээндээ ашиглах бэлтгэлийг хангажээ.

Тус аппаратыг зөвхөн уушгины хатгалгаа, амьсгалын дутагдлын үед хэрэглээд зогсохгүй бусад вирусийн шалтгаант уушгины хатгалгаа, зүрхний хурц дутагдал, зүүн ховдлын хурц дутагдлын үеийн уушгины хаван, зүрх шилжүүлэн суулгах үед ашиглах боломжтой юм.


УГТЭ-т коронавирусийн эмчилгээнд ECMO аппарат ашиглах боломжтой боллоо
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2024 © Зохиогчийн эрх хуулиар хамгаалагдсан. Мэдээлэл хуулбарлах хориотой.