Увс аймгийн Өмнөговь сумын харьяат Даваажавын Жавхлан тархины боргоцой булчирхайн хорт хавдартай хэмээн оношлогдсон. Түүнийг сургуульдаа сурч байхад гэнэт толгой нь өвдөхөд эмнэлэгт үзүүлжээ. Гэвч аймаг болон сумын эмнэлэг онош тогтоох боломжгүй гэсэн хариу өгсөн байна. Улмаар Д.Жавхлан хүүг энэ оны дөрөвдүгээр сарын 17-нд Улаанбаатар хотод авчирч, онош тодруулахад эмч, мэргэжилтнүүд "Тархины боргоцой булчирхайн хорт хавдар" хэмээн  оношилжээ.

Тэгвэл хүүгийн хорт хавдрыг эмчлүүлэх хүсэлтийг БНСУ руу явуулж, "Асан" эмнэлгээс хавдрыг яаралтай эмчлэх боломжтой гэсэн баярт мэдээг хүлээн авчээ. Иймд уншигч та бүхнийг хагалгааны зардал болох 250 сая төгрөгт сэтгэлийн хандив өргөн, Д.Жавхлан хүүд амьдрал бэлэглэхийг уриалж байна.