Монгол Улсад “Ковид-19” халдварын өвчлөл илэрч дэгдэлт ихэссэнтэй уялдуулан, Боловсрол, шинжлэх ухааны сайдын 2021 оны тавдугаар сарын 21-ний өдрийн “Төлөвлөгөө баталж, хэрэгжүүлэх тухай” “А/190 дүгээр тушаалын 3.5 дахь заалтыг хэрэгжүүлэхтэй холбогдон, сурагчдын эзэмшвэл зохих агуулгын хоцрогдлыг тодорхойлох “оношлох үнэлгээ”–г есдүгээр сарын 23-24-ны өдрүүдэд зохион байгууллаа.

Оношлох үнэлгээнд улсын хэмжээнд 646 сургуулийн 2-12 дугаар ангийн суралцагдаас түүврийн аргаар сонгогдсон 64000 орчим сурагч хамрагдсан байна. Судалгааны үр дүнд үндэслэн коронавируст халдвараас шалтгаалсан сургалтын хөтөлбөрийн агуулгын хоцрогдлыг нөхөх, цахим хичээлийн үр дүнг тодорхойлох, багшлахуй ба суралцахуйд дэмжлэг үзүүлэх бодлого, төлөвлөгөөг боловсруулан хэрэгжүүлэх юм.