Боловсрол соёл шинжлэх ухааны яамнаас Монгол Улсын консерваторын газрын асуудал, Элсэлтийн ерөнхий шалгалт, нэгдүгээр ангид элсэгчдийн бүртгэл, ирэх есдүгээр сард сургууль цэцэрлэгийн үйл ажиллагааг танхимаар эхлүүлэх эсэх тухай өнөөдөр мэдэгдэл хийлээ. Энэ үеэр Боловсролын сайд Л.Энх-Амгалан “Ногоон бүсийн хүүхдүүдийн хичээлийг хугацаанд нь эхлүүлнэ. Өнгөрсөн долоо хоногт дэлхийн боловсролын сайдуудын хурал, уулзалтад суусан. Тэгэхэд манай улс хамгийн удаан хугацаанд сургуулийн үйл ажиллагаагаа зогсоосон улсын тоонд орж байна. Иймээс хичээлийг есдүгээр сарын 1-нд эхлүүлэхээр ажиллаж байна” гэлээ.