• Өнөөдөр 2021-03-03

Франц Улс авран хайх ажиллагааны чиглэлээр тоноглогдсон дөрвөн нисдэг тэргийг ОБЕГ-т нийлүүлнэ

2021-02-23,   111

Монгол Улсын Засгийн газар, Бүгд Найрамдах Франц Улсын Засгийн газар хоорондын Санхүүгийн хэлэлцээрийн хүрээнд Францын төрийн сангийн зээлийн хүрээнд Онцгой байдлын ерөнхий газраас БНФУ-ын Иргэний аюулгүй байдал, гамшгийн удирдлагын газартай хамтран агаараас аврах ажиллагааны нэгж байгуулах төслийг хэрэгжүүлж байна. Төслийн хүрээнд түргэн тусламж, эрэн хайх, аврах ажиллагааны гурав, сургалтад зориулагдсан нэг нийт дөрвөн нисдэг тэргийг ирэх есдүгээр сард багтаан Онцгой байдлын ерөнхий газарт нийлүүлэх аж.

Тэгвэл Францын "Хэли-Юнион" компаниас нийлүүлж буй эхний ээлжийн “Airbus ЕС-145” загварын түргэн тусламж, авран хайх ажиллагааны хэрэгслээр тоноглогдсон хоёр нисдэг тэргийг нийлүүлэхэд бэлэн болжээ. Үүнтэй холбоотойгоор тус компаниас энэ сарын 22-нд өөрийн компанийн байранд ёслолын арга хэмжээ зохион байгуулсан байна.

Арга хэмжээнд ОБЕГ-ын төлөөлөл, Монгол Улсаас БНФУ-д суугаа ЭСЯ-наас болон уг төслийг хэрэгжүүлэхэд оролцож буй Францын Эдийн засаг, санхүүгийн яам, Софема, ТHALES, Airbus компанийн төлөөлөгчид оролцсон аж.

Энэ үеэр “Хэли-Юнион” компанийн тэргүүн Патрик Молис төслийн явцын талаар танилцуулж, төслийг бодит ажил хэрэг болгоход “Софема” групп чухал үүрэг гүйцэтгэснийг онцлон тэмдэглээд  ОБЕГ-т хүлээлгэн өгөх хоёр нисдэг тэргийг үзүүлж танилцууллаа.


Франц Улс авран хайх ажиллагааны чиглэлээр тоноглогдсон дөрвөн нисдэг тэргийг ОБЕГ-т нийлүүлнэ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, XI хороолол, 14193-Их тойруу 43, "N tower" V давхар 501-2 тоот
7713-1414