Түгээх сүлжээнд техник, технологийн шинэчлэл хийх, хүчин чадлаа нэмэгдүүлэх, одоогийн болон өсөн нэмэгдэж буй эрчим хүчний хэрэгцээг тасралтгүй, чанартай, хүртээмжтэйгээр хангах, үр ашигтай ажиллах нь УБЦТС ТӨХК-ийн тулгамдсан асуудал болж байна. Тиймээс эрчим хүчний хангамжийг сайжруулахад чиглэж ажиллахаар байгуулагдсан Дэд хорооныхонд ихээхэн найдвар тавьж буй юм.УБЦТС ТӨХК-ийн Ерөнхий инженер Т.Мөнхболд болон бусад удирдах ажилтнууд тус компанийн ажил байдалтай танилцахаар хүрэлцэн ирсэн (2024.09.06 өдөр) Монгол Улсын Засгийн газрын “Алсын хараа-2050” салбар дундын уялдааг хангах Үндэсний хорооны дэргэдэх Шадар сайд Х.Доржхандаар ахлуулсан "Эрчим хүчний салбарын хөрөнгө оруулалт, үнэ тарифын шинэчлэл, мега төслүүд хариуцсан Дэд хороо"-ны гишүүдийг хүлээн авч, хэрэгжүүлж буй ажил, тулгамдсан асуудлуудаа танилцуулан, сонирхсон асуудлын хүрээнд мэдээлэл өглөө.