Гаалийн ерөнхий газраас бордюрын үнийн талаар мэдээлэл өгч байна.

ГЕГ-ын Бараа ангилал, үнэлгээний хэлтсийн даргын үүргийг түр орлон гүйцэтгэгч Ч.Чимгэрэл “Монгол Улсад 2024 оны есдүгээр сарын байдлаар нийт 58 аж ахуй нэгж, хоёр иргэний нийт 21 мянган тонн замын хашлага, бордюр, хавтангууд импортолсон байна. Нийт 2.4 тэрбум төгрөгийн татвар улсын төсөвт төвлөрүүлсэн байна. Та бүхний цахим сүлжээнд мэдээлээд байгаа  байгаа 19 мянган төгрөгийн бордюрын асуудлыг шалгаж үзэхэд тийм асуудал байгаагүй. Замын хашлаганы нэг ширхгийн үнийг тооцоолж үзэхэд дунджаар 77 орчим мянган төгрөгөөр гаалийн байгууллагад мэдүүлж, НӨАТ төлж барагдуулсан байна. Одоогийн  байдлаар бидэнд бордюрыг 19 мянган төгрөгөөр мэдүүлж, НӨАТ төлж барагдуулсан мэдээлэл байхгүй. Энэ мэдээлэл хуурамч эсэхийг хуулийн байгууллага шийдэх байх. Өнгөрсөн жилүүдэд бордюр дунджаар 77 мянган төгрөг байсан. Гаалийн үнэ гэдэг нь тухайн барааны үнэ, онцлог, худалдан авах гэрээ, тээвэрлэлтийн нөхцөл байдлаас хамаарч гаалийн байгууллагад мэдүүлж байгаа үнэ, тиймээс харилцан адилгүй байдаг. Гаалийн байгуулга хэмжээсийг метр куб, тонноор хэмждэг. Ширхгээр гаалийн үнийг тодорхойлдоггүй. Энэ жил байгалийн чулуун бордюр илүү орж ирсэн. Мөн цементэн бордюр байдаг. Байгалын бордюрын гаалийн татвар таван хувь, НӨАТ 10 хувь байдаг бол цементэн бордюрын гаалийн тариф нь 20 хувь, НӨАТ  10 хувь байдаг" гэв