Нийслэлийн Онцгой байдлын газрын Гамшгаас урьдчилан сэргийлэх хэлтсийн мэргэжилтэн, ахмад Э бусдын гарт амиа алдсан гэх харамсалтай мэдээлэл бий. Тодруулбал, есдүгээр сарын 28-ны өдөр Нийслэлийн Онцгой байдлын газрын есөн дүүргийн Гамшгаас урьдчилан сэргийлэх мэргэжилтнүүд албан тушаалын баяр тэмдэглэж байхдаа, муудалцаж улмаар нэг нь амиа алджээ. Талийгаач толгойндоо гадны нөлөөтэй шарх авсны улмаас нас барсан гэх бөгөөд энэ хэрэгт Нийслэлийн онцгой байдлын газрын дөрвөн албан хаагчийг холбогдуулан шалгаж эхэлсэн байна.