“Мон-Адонис" ХХК-ийн үйлдвэрлэдэг “витамин С" 200 миллитрийн задаргаа ороогүй уусмалд аалз орсон байна” хэмээн нэгэн иргэн олон нийтийн сүлжээнд уусмалын зургийг оруулсан байдаг. Энэ талаар тус компанийн захирлаас тодрууллаа. Тэрбээр “Манайд албан ёсоор бүтээгдэхүүнд гаднын биет байна гэх мэдээлэл ирээгүй. Манай ажилтан тус зургийг, постыг харсан байна лээ. Тэгээд нийтийн сүлжээнд байршуулсан иргэнтэй холбогдохоор тухайн хүнийг хайтал оруулсан зураг, постоо устгасан байсан гэсэн. Тиймээс манай компанид одоогийн байдлаар ямар нэгэн гомдол, мэдээлэл ирээгүй учир шалгасан, шалгуулсан зүйл байхгүй байна. Мөн бүтээгдэхүүнд гаднын биет орох ямар ч боломж байхгүй. 0.5 болон 0.2 гэсэн шүүлтүүрээр үе шаттайгайр шүүж, савладаг” гэлээ.