“Хууль зүй, дотоод хэргийн яам бордюрын хэргийг шалгана” гэсэн мэдээлэл гарсан. Үүнтэй холбоотойгоор ХЗДХ-ийн сайд О.Алтангэрэл мэдээлэл өглөө.

Тэрбээр “Хүмүүс “Бордюрыг шалгах ажлын хэсэг байгуулагдсан юм уу” гэж асууж байна. Миний ойлгож байгаагаар төрийн худалдан авалттай холбоотой асуудлыг шалгуулах бол эрх бүхий байгууллагад хандах ёстой. “Үүнд ямар нэгэн асуудал байна” гэж үзвэл Авлигатай тэмцэх газар, цагдаагийн байгууллагад хандах ёстой. Хууль зүй дотоод хэргийн яаманд тухайн үйл явдалтай холбоотой ажлын хэсэг байгуулагдаагүй. Хууль зүй дотоод хэргийн яам чуулганаар хэлэлцүүлэх хуулийн төслүүд болон бусад асуудалтай холбоотойгоор завгүй байна. Хуулиар хүлээсэн чиг үүргийнхээ хүрээнд энэ асуудлыг хянан шийдвэрлэх газар байгаа. Манай яам бодлого л зангидах ёстой байгууллага” гэв.