• Өнөөдөр 2026-02-27

Самар түүхээр яваад алга болсон иргэнийг эсэн мэнд олжээ

2024-09-25,   466

                 Төв аймгийн Мөнгөнморьт сум Жаргалант багийн Дагналтай гэдэг газар /аймгийн төвөөс зүүн хойд зүгт 244 км, сумын төвөөс хойд зүгт 50 км/ тус сумын харьяат иргэн Н нь дөрвөн хүний хамт самар түүж яваад есдүгээр сарын 22-ны өдрийн 18:00 цагийн орчим сураггүй болсон тухай дуудлагыг есдүгээр сарын 23-ны өдрийн 09:00 цагт онцгой байдлын албанд өгчээ. 
 
   Дуудлагын дагуу сумын Цагдаагийн хэсгийн алба хаагчид, ар гэрийн хүмүүс, орон нутгийн иргэд иргэн 54 настай, эмэгтэй Н-ийг эрэн хайх ажиллагааг Жаргалант багийн Дагналтай гэдэг газраас Чигчрээний даваа гэдэг газар хүртэл 8 км замыг мориор болон явганаар зохион байгуулсан боловч үр дүнд хүрээгүй тул хүч нэмэгдүүлсэн дуудлагаар Төв аймгийн Эрдэнэ сум дахь Эрэн хайх, аврах бүлгийн алба хаагчид очсон байна. Улмаар Дагналтай гэдэг газрын чиглэлд эрэн хайх, ажиллагааг зохион байгуулсны дүнд алга болсон иргэн Н-ийг 24-ний өдрийн 11:50 цагт эсэн мэнд олж эрлийн ажиллагааг зогсоожээ. 

Самар түүхээр яваад алга болсон иргэнийг эсэн мэнд олжээ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2026 © Зохиогчийн эрх хуулиар хамгаалагдсан. Мэдээлэл хуулбарлах хориотой.