"Үзэл бодол: Ялтай эрх чөлөө" сэдэвт хэлэлцүүлэг өрнөлөө.

             Энэ үеэр Өрөг.мн сайтын сэтгүүлч У.Болортуяа "Манай шүүх засаглал яагаад хаалттай шүүдэг вэ. Бусад оронд бага насны хүүхэдтэй холбоотой хэргийг л хаалттай хэлэлцдэг. Гэтэл манайх жил өнгөрөх тусам шүүхийн нээлттэй байдал улам хаалттай болсон. Бид нээлттэй шүүж өгөөч гэж зөндөө гуйсан. Тухайлбал, сэтгүүлч Н.Өнөрцэцэгийн таван хэргийн нэг нь төрийн нууцтай холбоотой гэж үзэж байгаа юм бол тэр хэргийг нь хаалттай шүүгээд, бусад дөрвөн хэргийг нь яагаад нээлттэй шүүн явуулж болохгүй байгаа юм. Одоо удахгүй давж заалдах шатны шүүх хурал нь болно. Нээлттэй шүүж өгөөч. Үгүй гэхэд хэсэгчлэн нээлттэй шүүж өгөөч гэж хэлмээр байна. Энэ ганц сэтгүүлчийн асуудал биш" гэв.