Нийгмийн эрүүл мэндийн төвөөс 6-8 сартай хүүхдийг хэрхэн зохистой хэмжээгээр, тэжээллэг хүнсээр хооллох тухай зөвлөгөөг хүргэж байна.

ДАВТАМЖ: Хүүхдэд өдөрт 2-3 удаа нэмэгдэл хоол өгөхийн зэрэгцээ нэмэлт зууш 1-2 удаа өгнө.

ХЭМЖЭЭ: Хүүхдэд нэг удаад өгөх хоолны хэмжээг аажим нэмэгдүүлж, тал аягатай тэнцэх хэмжээтэй хоол өгнө. 1 аяга буюу 250 мл хэмжээтэй байна.

ТӨЛӨВ БАЙДАЛ: Хүүхдийн хоол халбага дээр тогтохуйц хангалттай өтгөн (өтгөн зутан, агшаамал эсвэл машиндсан, нухсан хоол) байна.

НЭР ТӨРӨЛ: Хүүхдийн хоногт хэрэглэх хоол нь аль болох олон нэр төрлийн хүнс агуулсан байна. (Үр тариа, амьтны гаралтай хүнс, буурцагт ургамал, жимс, хүнсний ногоо г.м)

ХӨХӨӨР ХООЛЛОХ: Өдөр, шөнийн аль ч цагт хүүхдийг хүссэн үед нь хөхүүлнэ.

Тэжээллэг, аюулгүй хүнсийг тогтмол, тохируулан зөв хэрэглэснээр хоол, хүнснээс үүдэлтэй өвчин, эмгэгээс сэргийлнэ гэлээ.

Эх сурвалж: НЭМҮТ