Монгол Улсын Ерөнхийлөгч У.Хүрэлсүх олимп, паралимпт алт, мөнгөн медаль хүртсэн тамирчид болон тэдний багш, дасгалжуулагчдад хүндэтгэл үзүүлж, төрийн дээд шагнал гардуулж байна. Энэ үеэр паралимпын анхны эмэгтэй аварга У.Сүрэнжав Хөдөлмөрийн баатар цол хүртлээ.

Тэрбээр ДАШТ-ээс хүрэл медаль, Азийн аваргаас алт, хүрэл медаль, Европын аваргаас алтан медаль, Ханжоу 2022 наадмаас мөнгөн медаль, Дэлхийн чансаа олгох цуврал тэмцээнээс хоёр алт, нэг мөнгө, нэг хүрэл медаль, Олон улсын Гранпри тэмцээнээс нэг алт, хоёр медаль хүртсэн тамирчин юм.