Ойрын өдрүүдэд нутгийн зарим хэсгээр бороо орж, цаг агаар сэрүүсэх талаар мэдээлэл гараад буй. Тэгвэл ойрын тав хоногт цаг агаар ямар байх талаар Цаг уур орчин шинжилгээний газрын мэргэжилтнээс тодрууллаа.

         Тэрбээр “Энэ сарын 12-13-нд говь болон зүүн аймгуудын нутгийн өмнөд хэсгээр үргэлжилсэн усархаг бороо орж, сэрүүсэх тул үерээс сэрэмжлүүлж байна. Алтай, Хангай, Хөвсгөлийн уулархаг нутаг, Завхан голын эх, Хүрэнбэлчир орчим, Идэр, Тэс, Байдраг голын хөндийгөөр шөнөдөө  -7 хэм хүртэл хүйтэн байна. Улаанбаатар хотын хувьд ойрын тав хоногт 15-20 хэм дулаан. Мөн есдүгээр сарын 15-нд бороотой. Нийт нутгаар салхитай, цаг агаар сэрүүсэх төлөвтэй байна” гэв.