“Эрдэнэс тавантолгой” ХК-ийн Гүйцэтгэх захирал С.Наранцогт 1072 хувьцааны ногдол ашигийн талаар мэдээлэл өглөө. Тэрбээр “Эрдэнэс тавантолгой” ХК гурван их наяд төгрөгийн цэвэр ашигтай ажиллана. Үүнийг хувьцаа эзэмшигчдэд хуваахаар нэг хүнд 233 мянган төгрөг ногдож байгаа юм. Улстөрчдөд их хэмжээний мөнгө тараах юм шиг ярих нь сонирхолтой байдаг байх. Бас намайг ногдол ашиг өгөхгүй гэж байна хэмээн миний ярилцлагыг тасдаж олон нийтийн сүлжээгээр цацаад байна лээ. Би юу гэж ярьсан бэ гэхээр, Гурван их наядын цэвэр ашигтай ажиллаа. Гэвч Эрдэнэс тавантолгой ХХК дөрвөн их наяд төгрөгийн өртэй байгаа. Бас төрийн өмчит компаниудаас авлагатай байгаа. Төрийн өрийг өөрсдийнх нь тавьсан өрөөр суутгаж хаагаад, иргэдэд цэвэр ашгаа хувааж болно гэж ярьсан. Тэгэхээр 2012 оноос өмнө төрсөн, хойно төрсөн гэж ялгахгүйгээр цэвэр ашгаа хуваасан” гэв.