Эрээний хилээр 30 килограммаас дээш ачаатай хүнийг нэвтрүүлэхгүй гэх мэдээлэл олон нийтийн сүлжээгээр цацагдсан. Энэ талаар Гаалийн Ерөнхий газрын Хэвлэл мэдээллийн төвийн мэргэжилтэнээс тодруулахад “Эрээний хилээр 30 килограммаас дээш ачаатай хүн оруулахгүй гэх мэдээлэл өчигдрөөс хойш олон нийтийн сүлжээгээр цацагдсан. Хэрэв өөрчлөгдсөн бол Консулын газраас ГЕГ хамгийн түрүүнд мэдэгдэх ёстой. Гэвч одоогоор энэ талаарх ямар ч мэдээлэл манайд ирээгүй байна” гэв.