Улсын хэмжээнд өнгөрсөн долоо хоногт нийслэлийн долоо дүүрэг, 20 аймгийн 39 суманд аюулт үзэгдэл, ослын  85 удаагийн дуудлага бүртгэгдлээ.  Дуудлагын дагуу төв, орон нутгийн Онцгой байдлын байгууллагын алба хаагчид үүрэг гүйцэтгэн, 22 хүний амь насыг авран хамгааллаа.

         Харин гамшиг, аюулт үзэгдлийн улмаас  долоон хүн нас барж, хоёр хүн гэмтэж бэртжээ. Нийт дуудлагын  48 нь гал түймэр, 31 нь  хүний үйл ажиллагаатай холбоотой осол, тав нь геологийн гаралтай аюулт үзэгдэл, нэг нь биологийн гаралтай аюулт үзэгдэл байна.