УИХ дахь МАН-ын бүлэг даваа гарагийн ээлжит хуралдаанаа хийлээ. Хуралдаанаас гаргасан шийдвэрийн талаар бүлгийн дарга Д.Тогтохсүрэн, дэд дарга М.Оюунчимэг, УИХ-ын гишүүн Б.Баттөмөр нар мэдээлэл өгсөн юм. Энэ үеэр МАН-ын дарга Д.Тогтохсүрэн “Дагагч олонтой хүмүүс өөрсдийн пэйж, цахим хуудсаараа сурталчилгаа явуулахаар бол заавал бүртгүүлэх талаар СЕХ-ны ажилтан хэлсэн байна. Олон дагагчтай хүнийг ухуулагчаар ажиллуулах эсэх нь нэр дэвшигчийн асуудал” гэв.

    Харин УИХ-ын гишүүн Б.Баттөмөр “Банкнуудын 20-иос доошгүй хувийг 2023 оны арванхоёрдугаар сарын 31-нээс арилжаалах үүрэг өгсөн. Өнөөдрийн байдлаар таван банк хувьцаагаа арилжаалж, 70 мянган хувьцаа эзэмшигчтэй болсон. Цаашид мэргэжлийн хөрөнгө оруулагчдыг оролцуулж ирэх шаардлагатай байгаа учраас хувьцаа арилжаалах хугацааг сунгана. Мөн нэг хүн хоёр банканд хувьцаа эзэмшиж болно” гэв.