“Шатахуун өгөөгүй” гэх шалтгаанаар түгээгч эмэгтэйг түлхэж унагасан этгээдийг 100 мянган төгрөгөөр торгожээ. Өнгөрсөн арванхоёрдугаар сарын 10-нд Баянзүрх дүүргийн цагдаагийн газарт тус дүүргийн 21 дүгээр хорооны нутаг дэвсгэрт байрлах шатахуун түгээх станцын гадна жолооч нар маргалдаж, зодолдсон гэх дуудлага бүртгэгджээ. Шатахуун түгээгчийг зодсон  иргэн Н-ийг Зөрчлийн тухай хуулийн 5.3 дугаар зүйлийн нэг дэх хэсэгт зааснаар 100 нэгжтэй тэнцэх 100 мянган төгрөгөөр торгох шийтгэл оногдуулжээ.