Төв шуудангийн баруун урд талд нэгдүгээр эгнээнд машин  гэнэт зогсож түгжрэл үүсгэжээ. Цагдаагийн албан хаагч  Т.Ганхуяг зохицуулахаар очиход нэг эмэгтэй замын хажууд төрсөн байжээ. Цагдаагийн албан хаагч яаралтай зохицуулалт хийж, яаралтай түргэн тусламжийн машин дуудаж нэгдүгээр төрөх эмнэлэгт зам чөлөөлт хийж шуурхай хүргэж өгчээ.

         Урьдчилсан байдлаар хүүхдийн биеийн байдал хэвийн байгаа аж. Хөл хүндтэй бүсгүй бие нь эвгүй болж,  такси барьж эмнэлэг орохоор явах үед тухайн газарт бие нь  муудаж замын хажууд  төрсөн гэнэтийн үйл явдал болжээ.