Автомашины оношлогооны хүчинтэй хугацаа нэг жил, өмнөх жил нь хэзээ орсон дараа жил тэр өдрөө ороход болно. Тээврийн хэрэгслийн татвар төлөх хуулийн хугацаа нь нь улсын дугаарын сүүлийн орноос хамааран эхний таван сард хуваарилсан байдаг.
 

• Нэг болон зургаагаар төгссөн бол нэгдүгээр сард
• Хоёр болон долоогоор төгссөн бол хоёрдугаар сард
• Гурав болон наймаар төгссөн бол гуравдугаар сард
• Дөрөв болон есөөр төгссөн бол дөрөвдүгээр сард
• Тав болон тэгээр төгссөн бол тавдугаар сард татвараа төлөх ёстой.

      Торгуулийн хувьд Зөрчлийн тухай хуулийн нэмэлт өөрчлөлтөөр 2024 оны нэгдүгээр сарын 1-нээс эхлэн ногдуулсан татварыг 14 хоногтоо багтаан төлбөл 50 хувь хөнгөрүүлэх, 14 хоногоос хэтэрвэл 50 хувь нэмэгдүүлэхээр заасан.

            RFID наалтын хувьд ямар нэгэн төлбөр хураамжгүй, Автотээврийн Үндэсний Төвийн оношлогоо, бүртгэлийн бүх цэгүүдэд нааж байна.
              Энэхүү наалт нь тухайн тээврийн хэрэгслийн улсын дугаар, марк төрөл, өнгө, өмчлөгчийн утасны дугаар болон Оношлогоо, татвар, торгууль, даатгал гэсэн ерөнхий мэдээллийг агуулсан, уулзвар гарцууд дээрх суурилуулсан камерт уншихдаа зөрчилтэй эсэх мэдээллийг тодорхойлон дамжуулах ТАГ юм. Банкныхаа апп ашиглан татвар торгуулиа төлөөд оношлогооны хугацаа нь дууссан бол ороод, очер дараалал багатай өөрт аль ойрхон цэг дээр очоод RFID наалгаарай.