Эрүүгийн болон Зөрчлийн тухай хуулийн нэмэлт, өөрчлөлтөөр энэ оны нэгдүгээр сараас торгуулсан жолооч нар 15 хоногийн дотор торгуулиа төлвөл 50 хувиар хөнгөлөх хуулийн зохицуулалттай болсон. Торгуулийн 50 хувийн хөнгөлөлтөд өнгөрсөн жилийн торгууль орох эсэх талаар албаны эх сурвалжаас тодрууллаа. Тэрбээр “Нэгдүгээр сарын нэгээс хойш торгуулсан жолооч 15 хоногийн дотор торгуулиа төлөх юм бол 50 хувиар хөнгөлнө. Харин торгуулиа заасан хугацаанд нь төлж чадахгүй бол 50 хувиар нэмнэ. Гэхдээ хэдий хугацааны дараа төлөхгүй бол торгуулийг 50 хувиар нэмэх тухай Улсын Ерөнхий прокурор, Хууль зүй, дотоод хэргийн сайдын хамтарсан журам батлагдсаны дараа тодорхой болно. Гурван сарын дотор торгуулиа төлж дуусахгүй Зөрчлийн тухай хуулиара нийтэд тустай ажил хийлгэхээр заасан байна. Мөн өнгөрсөн жилийн торгууль хөнгөлөлтөд хамрагдахгүй” гэсэн юм.