Засгийн газрын ээлжит хуралдаан үргэлжилж байна. Хуралдаанаар зарим томилгоодтой холбоотой асуудлыг хэлэлцэж, хэд хэдэн томилгоо хийхээд байна. Тухайлбал, ГХЯ-ны Төрийн нарийн бичгийн дарга Н.Анхбаярыг үүрэгт ажлаас нь чөлөөлж, НҮБ-ын байнгын төлөөлөгчөөр томилохыг Засгийн газраас дэмжсэн аж. Н.Анхбаяртай холбоотой эл томилгоог удахгүй УИХ-аар оруулж баталгаажуулах юм байна. Тэрбээр 1979 онд Увс аймагт төрсөн. Гадаад харилцааны яамны Төрийн нарийн бичгийн даргаар ажиллаж байсан дипломат. 

Түүний ажлын туршлага:

2000-2002 он  УИХ-ын Тамгын газарт туслах ажилтан,

2003-2004 он УИХ дахь МАХН-ын бүлгийн ажлын албанд референт,

2007-2010 он Гадаад харилцааны яамны Гэрээ, зүйн газарт мэргэжилтэн, атташе,

2010-2012 он Гадаад харилцааны яамны Гэрээ, зүйн газрын дэд захирал,

2012-2014 он Монгол Улсаас АНУ-ын Сан-Франциско хотод суугаа Ерөнхий Консул,

2014 он Гадаад харилцааны яамны Төрийн захиргааны удирдлагын газрын Хуулийн хэлтсийн дарга,

2014-2016 он Гадаад харилцааны яамны Олон улсын гэрээ, эрх зүйн газрын Хүний эрхийн хэлтсийн дарга,

2016 он Гадаад харилцааны яамны Консулын газрын дэд захирал,

2016-2020 он Гадаад харилцааны яамны Төрийн захиргааны удирдлагын газрын захирал,

2020 оны долдугаар сарын 29-ний өдрөөс Монгол Улсын Гадаад харилцааны яамны Төрийн нарийн бичгийн дарга.

“Тэргүүн шадар” дипломат цолтой, англи хэлний мэдлэгтэй.