Эрүүгийн болон зөрчлийн тухай хуульд нэмэлт өөрчлөлт оруулах тухай, гэмт хэрэг зөрчлөөс урьдчилан сэргийлэх тухай хуульд нэмэлт өөрчлөлтүүд орсон талаар ХЗДХЯ-ы зөвлөх Д.Мөнх-Эрдэнэ мэдээлэл хийлээ. Энэ үеэр Бага насны хүүхдийн эсрэг үйлдсэн гэмт хэрэгт оногдуулах ялыг  чангатгах хуулийн заалтын танилцуулаа.

            Тэрбээр “Бага насны хүүхдийн эсрэг үйлдсэн гэмт хэрэгт оногдуулах ялыг  чангатгасан. Хөөн хэлэлцэх хугацаа нэмэгдэж байгаа. Бүх насаар хорих ял оногдуулахаар зааснаас бусад хүүхдийн эсрэг үйлдсэн хүчиндэх, бэлгийн мөлжлөг, хүн худалдаалах гэмт хэргийг хөөн хэлэлцэх хугацаа тоолохыг зогсоож, хохирогчийг 18 насанд хүрсний дараа тоолж эхэлнэ. Бага насны хүүхдийн алах, бага насны хүүхдийг хүчиндэх, бага насны хүүхдийн эсрэг үйлдсэн бэлгийн бэлгийн мөлжлөг хүүхэд, жирэмсэн эмэгтэйг мэдсээр байж хоёр түүнээс олон хүнийг худалдаалж, Монгол Улсын хилээр нэвтрүүлж, байнга тогтвортой зохион байгуулалттай гэмт бүлэг хүн худалдаалах хэрэг үйлдсэн этгээдүүдэд өршөөл үзүүлэхгүй. Мөн энэ гэмт хэргийг эрх мэдэл, албан тушаалын байдлаа урвуулан ашиглах, нийтийн албан тушаалтан хахууль авах, үндэслэлгүйгээр хөрөнгөжиж гэмт хэргийн  улс төрд нөлөө бүхий этгээд үйлдсэн тохиолдолд хорих ялаас хугацаанаас өмнө суллахгүй байх өөрөө хэлбэл магадлангаар суллахгүй. Бага насны хүүхдийн алах, бага насны хүүхдийг хүчиндэх гэмт хэрэгт оногдуулах хорих ялын дээд хэмжээ 20 жил байсныг 25 жил болгож нэмэгдүүлсэн” гэв.