Эрүүгийн болон зөрчлийн тухай хуульд нэмэлт өөрчлөлт оруулах тухай, гэмт хэрэг зөрчлөөс урьдчилан сэргийлэх тухай хуульд нэмэлт өөрчлөлтүүд орсон талаар ХЗДХЯ-ы зөвлөх Д.Мөнх-Эрдэнэ мэдээлэл хийлээ. Энэ үеэр Хөдөлгөөний аюулгүй байдал, тээврийн хэрэгслийн ашиглалтын журмын эсрэг гэмт хэргийн тухай хуульд орсон өөрчлөлтүүдийн танилцуулаа.

           Тэрбээр “Жолооч согтуугаар, мансуурсан үедээ тээврийн хэрэгсэл жолоодсон эсвэл шалгуулахаас зүйлс хийлсэн тохиолдолд тээврийн хэрэгсэл жолоодох эрхийн нэг жилийн хугацаатай хасаж, 400 мянган төгрөгөөр  торгодог  байсан. Мөн согтуурсан, мансуурсан үедээ тээврийн хэрэгсэл жолоодож эрхээ хасуулсан жолооч дахин согтуурсан, мансуурсан үедээ тээврийн хэрэгсэл жолоодсон бол шүүхээс 7-30 хоногийн хугацаагаар баривчлах шийтгэл оногдуулдаг байсан. Шинэ зөрчлийн хуулиар жолооч эхний улдаа согтуурсан, мансуурсан үедээ тээврийн хэрэгсэл жолоодсон бол зөрчлийн хуульд заасны дагуу жолоодох эрхийн нэг жилийн хугацаатай хасаж, 400 мянган төгрөгөөр торгоно, эсвэл 7-30 хоногийн хугацаанд баривчлах шийтгэл оногдуулна. Мөн согтуурсан, мансуурсан үедээ тээврийн хэрэгсэл жолоодож эрхээ хасуулсан жолооч дахин согтуурсан, мансуурсан үедээ тээврийн хэрэгсэл жолоодсон бол Эрүүгийн хуулиар хариуцлага хүлээлгэнэ. Энэ тохиолдолд 1-3 жилээр жолоодох эрхийг хязгаарлах, 2.7-14 хүртэлх сая төгрөгийн торгох эсвэл 240-720 цаг нийтэд тустай ажил хийлгэх эсвэл зургаан сараас гурван жил хүртэлх хугацаанд зорчих эрхийг хязгаарлах эсвэл зургаан сараас гурван жил хүртэлх хугацаанд хорих ял шийтгэнэ” гэв.