Баярын өдрүүдэд гарсан гэмт хэргийн нөхцөл байдлын талаар ЦЕГ-аас мэдээлэл өглөө. Энэ үеэр ЦЕГ-ын Гэмт хэрэг, зөрчлөөс урьдчилан сэргийлэх хэлтсийн дарга, дэд хурандаа О.Одонбаатар мэдээлэл өглөө. Тэрбээр “Улсын хэмжээнд 6036 гомдол, мэдээлэл цагдаагийн байгууллагад бүртгэгдсэн. Үүнээс гэмт хэргийн шинжтэй 247, зөрчлийн шинжтэй 3330, зам тээврийн ослын шинжтэй 2459 дуудлага мэдээлэл бүртгэгдсэн байна. Баярын өдрүүдэд 48 хүн амиа алдсан харамсалтай мэдээлэл байна. Ерөнхийлөгчийн үг хэлэх үеэр ёс зүйгүй үйлдэл гаргасан гурван иргэнд хариуцлага тооцсон. Монгол Улсын Ерөнхийлөгч нь ард түмний эв нэгдлийн илэрхийлэл мөн хэмээн заасан байдаг” гэв.