Энэ оны арванхоёрдугаар сарын 24-ны өдөр буюу өнгөрсөн ням гарагт Япон каратэгийн холбооны хоёр дахь удаагийн тэмцээн Улаанбаатар хотноо зохион байгуулагдлаа. Ката буюу бие хамгаалах дасгалын төрөлд 122, кумитэ буюу тулааны төрөлд 103 оролцогч өөрсдийн нас хүйс, түвшний ангилалд амжилттай өрсөлдлөө.

         Ахлах дасгалжуулагч Жиованни Вирарди нээлтийн үгэндээ нийт оролцогчид, тэдний гэр бүл, сайн дурынханд талархал илэрхийлэв. Тэрбээр тус холбооны 2023 онд зохион байгуулсан арга хэмжээ, амжилтуудыг онцолж, тус байгууллагын Монгол Улсад уламжлалт каратэг хөгжүүлэхийн төлөө олон зүйл хийж буйгаа онцоллоо. Тэмцээн бол каратэгийн эцсийн зорилго биш, харин тууштай хичээллэж, өөрийн бие сэтгэлээ хөгжүүлэх нь каратэгийн үндсэн зорилго ба тэмцээн бол тэрхүү зорилгодоо хүрэх арга хэрэгсэл гэдгийг ойлгохыг хүсэж буйгаа дурдлаа.

          Мөн энэ удаагийн тэмцээний оролцогчдын тоо өмнөх жилтэй харьцуулахад мэдэгдэхүйц нэмэгдсэнийг онцлон тэмдэглэв.

Тэмцээний үеэр бүх оролцогчид гайхалтай ур чадвар, хичээл зүтгэл, сахилга батыг харуулж, түүн дотроос Ката, Кумитэгий төрлүүдэд хоёуланд нь тэргүүн байр эзэлж, "Шилдэг тамирчин"-ын шагналыг хүртсэн Бөртэ-Үжинд каратэгийн зургаан сарын бүтэн тэтгэлгийн шагналыг тусгайлан гардуулав.

Энэхүү арга хэмжээ нь Япон Каратэгийн Холбооны Монгол дахь салбар тасралтгүй хөгжиж, Монголчуудын уламжлалт каратэг сонирхох гүн сонирхлыг харуулсан гайхалтай амжилттай тэмцээн байлаа.

Тэмцээний тэргүүн байрт “Арслантай гүүр” баг

Дэд байрт “Яармаг” баг,

Гутгаар байрт  “Хан-уул” баг тус тус шалгарсан бөгөөд Кумитэ тулааны Бага насны ангилалд А. Жигүүр, Д. Оюунзаяа, Ц. Эрхэмбаатар, П. Ашид нар;

Дунд насны ангилалд Б. Үүрийнгэгээ, Бадар-Ууган нар

Өсвөр нас, насанд хүрэгчдийн ангилалд А. Бөртэ-Үжин, Э. Тэмүүжин нар тэргүүн байруудыг эзэлжээ. Мөн Ката буюу дасгалын төрөлд бага насны ангилалд Д. Чой-Эрдэнэ, Б. Чинбаяр, Т. Гэгээн, Х. Сэцэн-Агь, Г. Ганболд нар;

Дунд насны ангилалд У. Номун, Б. Мөнхнаран нар;

Өсвөр нас, насанд хүрэгчдийн ангилалд Э. Чинболор, А. Бөртэ-Үжин нар тэргүүн байрт шалгарлаа.