БНХАУ-ын Эрээн хотын гаалийн баталгаат агуулах дээр арванхоёрдугаар сарын 27-ны өдөр нийтийн тээврийн автобус нийлүүлэх тендерт шалгарсан "Yutong Bus Co" компанийн эхний ээлжний 35 автобус ирсэн. НЗДТГ-ын даргын тушаалаар байгуулсан их багтаамжийн автобусыг хүлээн авахад хяналт тавих Ажлын дэд хэсэг БНХАУ-ын Эрээн хотын гаалийн баталгаат агуулахад ажиллан, автобуснуудыг Монгол Улсын хилээр орж ирэхээс өмнө гэрээнд тусгасан стандарт хэмжээ, техникийн үзүүлэлтийг хангаж байгаа эсэхийг урьдчилсан байдлаар шалгасан. Тэгвэл Улаанбаатар хотод ирсэн эхний ээлжний 35 автобусыг өнөөдрийн 10:00-16:00 цагийн хооронд Сүхбаатарын талбай дээр байршуулан иргэдэд танилцуулж байгаа аж.