Үндэсний тусгаар тогтнолоо сэргээн мандуулсны өдөрт зориулан Ерөнхийлөгч У.Хүрэлсүхийн зарлигаар төрийн дээд цол, одон, медаль гардуулах ёслолын үйл ажиллагаа Төрийн ордонд боллоо. Энэ үеэр дуучин Д.Отгонжаргал Монгол Улсын Гавьяат Жүжигчин цол хүртлээ. 2013 онд Соёлын тэргүүний ажилтан цол хүртэж байсан бол ийнхүү арван жилийн дараа Гавьяат боллоо.

         Тэрбээр "Хун галуу", "Хайрлахын жаргал", "Миний ээж тэмээчин", "Өнө мөнх эх орон", "Эх орон танаа" зэрэг олон арван дууг сонсогчдодоо хүргэсэн юм. Анхлан "Титаник" киноны дууг сонсоод дуу хуурт хөтлөгдсөн түүний хувьд өөрийн гэсэн өнгө аястай уран бүтээлч билээ.