Дорнод аймгийн Хэрлэн сумын II багаас есдүгээр сарын 25-ны 17:00 цагт гэрэээсээ гараад хойд аавдаа хөнөөлгөсөн байж болзошгүй долоон настай хүүгийн үхлийн шалтгааныг шүүхээр эцэслэн тогтоожээ. 

   Тодруулбал, Дорнод аймаг дахь сум дундын Эрүүгийн хэргийн анхан шатны шүүхээс сураггүй болсон долоон настай хүүг зам тээврийн ослын улмаас амийг нь хөнөөсөн хэмээн үзэж Б-д 7.6 жилийн хорих ял оноож, тээврийн хэрэгсэл жолоодох эрхийг нь зургаан жил хассан байна. Ташрамд дурдахад, Б гэгч нь талийгч хүүгийн ээжийнх нь хамтран амьдрагч бөгөөд хэрэг явдал болох үеэр ээж нь эзгүй нийслэл рүү явсан байсан. Хүүг ээж нь нагац ахад нь үлдээсэн ч Б гэгчийн мотоциклийн араар сууж явснаас харамсалтай хэрэг болсон байдаг.